Bible Stories
Choose Language
Choose Old Testament Story
Choose New Testament Story
ЯКОВ «ПЯЛЬКСТАЙ» ШКАЙТЬ МАРХТА
Весть Шкайсь мярьгсь Яковонди мрдамс эсь шачема масторозонза. Яков сявозень рьванзон, шабанзон, кочказе марнек уликсонц и тусь Канаанонь мастору. Яков ашезе сода – нинге кирди лангозонза кяж Исав али аф. Седиенц солафтоманкса Яков кучсь тейнза лама казне.
Ки лангса Яковонь фкя-фкянь мельге моли полгонянц каршес повсь ляй. Яков ётафтозень сембе ломанензон маця вастова, ина сонць илядсь шудить омбокса ськамонза. Апак учт васедсь мархтонза кати-кие и врьгятсь пялькстама, пялькстасть шинь стямати, и кати-киесь токазе Яковонь маклок пакаренц. Варьхмодема пяли Яковонди мярькфоль: «Нолдамак, шись лиссь». Яков мярьгсь: «Аф нолдате, мзярс аф бславасамак». Ся кизефтезе: «Кода лемце?» Сон каршезонза: «Яков». Мархтонза пялькстайсь мярьгсь: «Тя пингста сявомок лемце ули аф Яков, а Израиль*а, сяс мес тон пялькстать Шкайть мархта, ломаттненьге кармат сяськондемост».
Яковга кизефтезе: «Азк лемцень?» Ся каршезонза: «Мезенди кизефнесак лемозень?» И бславазе Яковонь.
ШАЧЕМА 32:13-30
*а Яков лемсь ётафневи кода "васькафни", Израиль лемсь ётафневи кода "Шкайсь пялькстай", "Шкайсь сяськонди".
56 
