Bible Stories
Выбрать язык
Choose Old Testament Story
Choose New Testament Story
ЗАРНИ ОШПИ
Сӥнай гурезь йылын Кузё-Инмар Моисеен кема вераськиз. Моисейлэсь ӝегамзэ адӟыса, калык Аарон доры лыктыса шуиз: «Милемлы “инмар“ лэсьты, со милемыз азьлане валтыса мед нуоз, уго ми ум тодӥське, мар луиз милемыз Египетысь поттӥсь Моисеен». Соку Аарон соослы шуиз: «Пельугыостэс басьтыса мон доры вае». Соос пельугыоссэс ваизы, нош Аарон соосты ӵыжатыса, зарни ошпи лэсьтӥз. Ошпиез адӟыса, израиль калык черектӥськиз: «Израиль, тани тынад инмаред, со тонэ Египетысь поттӥз!» Вуонояз нуналэ, ӵукна вазь ик султыса, ошпизылы курбон сётӥзы, сое “кузёмы“ шуыса нимазы. Вань калык сиыны, юыны пуксиз, собере ваньзы куаш поттыса шулдыръяськыны кутскизы.
Нош Кузё-Инмар гурезь йылысен Моисейлы шуиз: «Ӝоггес мын гурезь улэ, Египетысь поттэм калыкед сӧриськиз; соослы сётэм курон-косонъёсы бордысь ӝог палэнскизы». Инмар малпаз вал ини та вылтӥяськись, вог калыкез быдтыны, но Моисей сюлворыса Солэсь куриз: «Кузё-Инмаре, вождэ эн потты Аслад туж бадӟым кужыменыд, кужмо киыныд Египет музъемысь поттэм калыкед вылэ. Египет калык тазьы шуоно медаз луы: “Соосты Со гурезьёсын виылон понна, музъем вылысь быдтон понна поттӥз“». Кузё-Инмар Моисейлэсь куронзэ санэ понӥз, малпам ужезлэсь куштӥськиз.
Моисей йырыз курен, со из пулъёсты музъем вылэ куштыса пильылӥз. Собере зарни ошпиез тыл пушкын сутӥз, пеньлы пӧрмытӥз но ву вылэ пазьгиз.
Потон 32:1-20
104 
