Bible Stories
Выбрать язык
Choose Old Testament Story
Choose New Testament Story
ВЫЛЬ ТЫЛЫСЭЗ ВӦСЯН
Тылыслэн котыраз азбарез вал, солэн кузьдалаез ог 50 метр, пасьталаез – 25 метр. Азбар котыртэмын вал ыргонэн дурем юбоос борды шедьытъям катанчиен (басмаен). Тылыслэн кузьдалаез 15 метр, пасьталаез – 5 метр, ӝуждалаез – 5 метр. Шунды ӝужан палтӥ пыран-потан ӧсэз вал.
Тылыслэн пушказ кык люкетэз. Нырысетӥез люкет “Святой инты“ шуыса нимаськиз, со бадӟым вал, ческыт макеосты ӵындытон понна отын курбон сётон зарни ӝӧк сылӥз. Курбон сётон ӝӧк вӧзын эшшо зарни ӝӧк сылӥз, со вылын – дас кык нянь сукыри. Та няньёсты “ӵектон нянь“ яке “вӧсь нянь“ шуылӥзы. Та люкетын ик сылӥз сизьым лампадаен зарни светильник. Пушкысез, кыкетӥез люкет, нырысетӥ люкетлэсь катанчиен возъямын вал. Отын зарнилэсь лэсьтэм “сӥзён ковчег“ (яке “усьтӥськон ковчег“) сылӥз, мукет сямен вераса, бордаз юнматэм кык зарни кылчинъёслэн тусбуенызы шыкыс. Со пушкын возиськиз дас сӥзён-косонъёсын гожтэм из пулъёс. Кыкетӥзэ люкетэз “Святойлэсь но святой инты“ шуылӥзы.
Святой интые священникъёслы гинэ пырыны лэземын вал, нош Святойлэсь но святой интые арлы одӥг пол гинэ архиерей пырылӥз. Люкаськон тылысэз пуктэмзы бере, Моисей сое вӧсяз, отын ужаны-тыршыны пуктэм священникъёсты бакель кариз. Инмарлэн пиштӥсь данлыкез сое тырмытӥз но люкаськон тылысэз пилем шобыртӥз. Уйёсы, тылыс йылысь пилем, тыл кадь ӝуаса улӥз. Пилем ялан тылысэз шобыртыса улӥз. Куд-ог дыръя со тылыс шоры вылӥе-вылӥе ӝутскылӥз. Со вал Инмар дорысь вуэм тодмет, соя Кузё-Инмар соосты Египетысь поттэм бераз, чеберлэсь но чебер Ханаан музъеме мынӥсь сюрес кузя нуиз.
Библиын та тылысэз “усьтӥськон тылыс“ яке “люкаськон тылыс“ шуо, малы ке шуоно, со котыре калык вӧсяськыны султылӥз.
Потон 40:17-38
110 
