Bible Stories
Выбрать язык
Choose Old Testament Story
Choose New Testament Story
ВӦСЯСЬКОН ТЫЛЫС ПУКТОНЛЫ СӤЗЕМ КУРБОНЪЁС
Моисей пыр Кузё-Инмар Ас калыксэ мукет тылыс (скиния) пуктыны косӥз, отын калык курбон сётыны мед быгатысал, но Со, Кузё-Инмар, кошкылытэк отын мед улысал. Вань израиль калыклы Моисей шуиз: «Тани Кузё-Инмар кыӵе курон-косон сётӥз: “Кин мар быгатэ, Кузё-Инмарлы кузьым-салам мед ваёз – зарни, азвесь, ыргон; чагыр, нап-горд, льӧль тусъем ыжгон мед ваёз, векчи басма, кеч гон, горд буёло така куос, лыз куос, акация пу, лампадаосы вӧй, ческыт зыно зырӟон вӧй, ладан, оникс из, дӥськут чеберъянэ мынӥсь дуно изъёс. Визьмо-валась адямиос мед лыктозы но мед лэсьтозы ваньзэ, мае косӥз Кузё-Инмар».
Моисейлэсь верамзэ санэ поныса, израиль калык вань кулэ арбериосты вайылыны кутскиз. Ваньзы лыкто но, ӟеч мылкыдын Кузё-Инмарлы кузьым-салам ваё; люкаськон тылысэз пуктыны, солэсь пушсэ чеберъяны, вӧсяськон дӥськут – мар кулэ – ваньзэ ваё. Пиосмуртъёс но, кышномуртъёс но – ваньзы Кузё-Инмарлы зарни ваемзы потӥсьёс, лыкто но зарни зундэсъёс, угыос, поскесъёс, чигвесьёс, мукет пӧртэм зарни арбериос ваё. Кинлэн вал чагыр, нап-горд, льӧль тусъем ыжгонэз, векчи басмаез, кеч гонэз, горд буёло така куосыз, лыз куэз – ваньзэ татчы вуттӥзы. Тросэз Кузё-Инмарлы азвесь, ыргон арбериосты кузьымлы-саламлы вайылӥзы. Тылыс пуктыны акация пу но мукет кулэ арбериосты кӧня кулэ, сомында вайылӥзы.
Потон 35:4-29
108 
