Bible Stories
Выбрать язык
Choose Old Testament Story
Choose New Testament Story
КУРБОН СЁТОН
Вань израиль пиослы вазиськыса, Моисей шуиз: «Инмаредлэн Кузё-Инмарлэн тынад ки улад сётэм музъемаз вуыса, отчы улыны интыяськид ке, соку со музъемысь бичам нырысь емышъёстэ корзинае пон но Инмаредлы Кузё-Инмарлы курбон сётон интые мын. Отын со дыре служить карись священник доры мыныса шу: “Туннэ мон Инмаре Кузё-Инмар азьын ялӥсько: Кузё-Инмарлэн атайёсмылы сётыны сӥзем, милемлы сётыны дасям музъемаз пыри. Тани, мон, Кузё-Инмаре, милемлы сётэм музъемысьтыд нырысь араз будэм емышъёслэсь ог люкетсэ ваи“. Сое Инмаред Кузё-Инмар азе пукты но Инмаредлы Кузё-Инмарлы йыбыртты.
Тон дорын улӥсь левитъёсын*а, пыдйылчиосын ӵош Инмаредлэн Кузё-Инмарлэн тыныд, семьяедлы сётэм ӟечлыкъёсыз понна шумпот. Куинь армысь одӥг пол ас музъемад будэтэм емышедлэсь дасэтӥ люкетсэ левитъёслы, пыдйылчиослы, анайтэм-атайтэм нылпиослы, палкышноослы сётъя, кӧтсы тырытозь мед сиёзы. Та нуналысен Инмаред Кузё-Инмар Аслэсьтыз вань пуктон-косонъёссэ, законъёссэ быдэсъяны косэ, тон соосты уть-чакла, вань сюлэмдэ, вань лулдэ поныса, соосты быдэсъя. Та нуналэ тон Кузё-Инмарлы шуид: “Тон мынам Инмаре луод, Тынад возьматэм сюрестӥд мон мыно, Тынэсьтыд вань пуктон-косонъёстэ, курон-косонъёстэ, законъёстэ быдэсъяло, Тынэсьтыд кылзӥсько“. Та нуналэ Кузё-Инмар тыныд шуэ: “Вань курон-косонъёсме быдэсъяса улӥд ке, тон Мынам калыке луод“. Со тыныд сыӵе сӥ-сан, данлык, быдӟым луон сёто шуэ, кыӵеез Солэн кылдытэм калыкъёсыз пӧлын ӧй на вал. Солэн сӥземезъя, тон Инмаредлэн Кузё-Инмарлэн святой калыкез луод».
2-тӥ закон 26:1-19
*а Левит – еврей калыклэн храмын ужаны-тыршыны быръем адямиез (быръем выжыез); еврей священникъёслэн выжызы потэмын Иаковлэн Левий пиез бордысь.
124 
