Bible Stories
Выбрать язык
Choose Old Testament Story
Choose New Testament Story
НЫЛПИОСЛЫ ВАЛЭКТОН:
КУЗЁ-ИНМАРЕЗ ВУНЭТЫНЫ УГ ЯРА!
Моисей тазьы калыкез дышетӥз-нодъяз: «Лэсьтэ озьы, кызьы косӥз Инмарды Кузё-Инмар: бур пала но, паллян пала но эн кожылэ. Улэп кылемды потэ ке, Инмардылэн Кузё-Инмарлэн косэм сюрес вылтӥз ветлэ, соку тӥледлы умой луоз, ки улады басьтэм музъем вылын кема улоды. Израиль, кылзы: асьмелэн Инмармы Кузё-Инмар – одӥг Кузё-Инмар. Аслэсьтыд Инмардэ Кузё-Инмарез вань сюлмыныд, вань лулыныд, вань кужмыныд яраты».
Израиль калыклэн будӥсь нылпиосызлы Моисей вераны косӥз Египеттӥ, кыр дуннетӥ ветлыкузы Кузё-Инмарлэн соослы возьматылэм паймымон тодметъёсыз, ужъёсыз сярысь. Со косӥз Инмарлэсь курон-косонъёссэ, пуктон-косонъёссэ быдэсъяны нылпиосты мед дышетозы шуыса, Кузё-Инмарлэсь визьзэ медаз сыналэ, кызьы израиль калык кыр дуннеысен Солэсь визьзэ сынаса улӥз. Моисей соослы шуиз: «Кузё-Инмарез ноку но эн вунэтэ, Со тӥледыз Египет музъемысь, ляльчи луонлэн зӥбет улысьтыз поттӥз. Инмардылэсь Кузё-Инмарлэсь кышкалэ, одӥг Солы гинэ ужалэ-тырше. Мукет инмаръёслы, тӥляд котырады улӥсь калыкъёслэн инмаръёссылы, эн ужалэ-тырше, уго Инмарды Кузё-Инмар вожзэ поттыны быгатэ. Чаклаське, Инмарды Кузё-Инмар тӥ вылэ вожзэ медаз потты, музъем вылысь тӥледыз медаз быдты. Юн уте Кузё-Инмарлэсь курон-косонъёссэ, Солэсь асьмелы сётэм законъёссэ, пуктон-косонъёссэ быдэсъялэ. Мар Кузё-Инмар азьын ӟеч, шонерлыко, сое быдэсъяса улэ».
Моисейлэн 5-тӥ книгаез. 2-тӥ закон 5:32-33; 6:4-25
122 
