Bible Stories
Выбрать язык
Choose Old Testament Story
Choose New Testament Story
НАВИН ИИСУС – МОИСЕЙЛЭН ВОШТӤСЕЗ
Моисей пересьмиз, Инмар солы «ӝоген тон кулод ни» шуиз. Кулон азяз Моисей Кузё-Инмарлэсь куриз, калыкен кивалтӥсьлы воштӥсь мед пуктысал шуыса, пудо возьмасьтэк кылем ыжъёс кадь, калык медаз кыльы вал. Соку Кузё-Инмар солы шуиз: «Навинлэн пиез Иисус воштӥсед мед луоз, со Духен адями. Со вылэ кидэ пон но Елеазар священник азе, вань калык азе сое султыты, валэкты-нодъя сое. Со Елеазар священниклы вазиськылоз, нош Елеазар Кузё-Инмар азьын солы ужрадъёс ортчытылыны юрттоз. Солэсь кылзэ санэ пононо луозы Навин Иисус но, вань израиль калык но». Моисей Кузё-Инмар косэмъя лэсьтӥз.
“Ханаан музъеме чакласькыны мынэмъёс“ веросэз тодады возиськоды на, дыр. Инмар израиль калыклы Ханаан музъеме пырыны юрттоз шуыса оскись кык чакласькисьёс пӧлысь одӥгез Навин Иисус вал. Соку Навин Иисус но Халев калыкез лӧпкытыса шуизы: «Асьмемын ӵош Кузё-Инмар, соин ик та музъемын улӥсьёслэсь эн кышкалэ». Со виысен трос дыр ортчиз ини. Ньыльдон ар ӵоже израиль калык луоё кыр дуннетӥ ветлӥз. Та дыр ӵоже Египетысь потэм мӧйы калык ваньмыз кулӥз, соослы сӥзем Ханаан музъемез соос ӧз адӟе. Ваньмыз Инмар верамъя луиз: «Мон вылэ ӝожтӥськыса, ӟурыса улэмды понна, тӥ татчы, кыр дуннее, кулыса кылёды, тӥ пӧлысь одӥгез но, кызь ареслэсь бадӟымез, Иефонниялэн Халев пиез но Навинлэн Иисус пиез сяна, Мынам сӥзем музъемам уз пыре. “Нылпиосмы тушмонлэн ки улаз сюрозы“ шуиськоды вал, нош Мон соосты отчы пырто но тӥлесьтыд кулэтэм карем музъемдэс возьмато. Ньыльдон нуналэз лыдъяса, куке музъемез чакласа-эскерыса улӥды, сьӧлыкъёсты понна, ньыльдон ар ӵоже вӧсь каронэз чидаса улоно луоды, – нунал понна – ар, – соку тододы Инмар кельтыку кыӵе улон луэ».
Лыдпусъёс 14:29-31, 34-35; 27:12-23
120 
