Bible Stories
Выбрать язык
Choose Old Testament Story
Choose New Testament Story
ИЗРАИЛЬ СУДЬЯОС
Израиль калыклэн Ханаанэ интыяськем улон интыез кыстӥське вал туала Ливанлэн шорозяз, лымшорыз – Сӥнай кырозь, шунды ӝужан палыз – Иордан сьӧрозь. Моисей та музъемез дас одӥг израиль выжыослы люкыса сётӥз, – Иаковлэн дас одӥг пиосызлы: Рувимлы, Симеонлы, Иудалы, Данлы, Неффалимлы, Гадлы, Асирлы, Иссахарлы, Завулонлы, Иосифлы (Иосиф выжы люкиськиз кык пиосызъя – Ефремлы, Манассиялы) но Вениаминлы. Нош Левийлэн выжыез люкет музъем ӧз басьты, – левитъёсты Инмар Аслаз вӧсяськон интыяз ужаны-тыршыны басьтӥз, соос улӥзы мукет израиль пиослэн городъёсазы.
Ханаанэ вуэм беразы, ог 300 - 400 ар ӵоже дас кык израиль выжыослэн огъя кивалтӥсьсы ӧй вал. Соосты инмез но музъемез Кылдытӥсь, Одӥг Инмарлы оскон гинэ огазе каре вал. Озьы ке но, пӧртэм калыкъёс пӧлын улыса, дырын-дырын соос мурт калыкъёслэн инмар шуон сульдэръёссылы йыбыртъяны кутскылӥзы, Инмарлэн курон-косонъёсызлэсь палэнскылӥзы. Сульдэръёслы йыбыртъяса, йӧнтэм улэмез понна, Кузё-Инмарлэн Израильлы вожез потылӥз, сое Со вӧсь карылӥз. Израильлэн тушмонъёсыз – моавит, аммонит, амалик, филистим, хананей, мадиан, сидон калыкъёс таласа, лёгаса возизы израиль калыкез. Соослэн зӥбет улазы израиль калык курадӟыса улӥз, Кузё-Инмарлэсь мозмытэмзэ куриз. Ас калыкезлы юрттон понна, гажаса-жаляса, Кузё-Инмар соослы асьсэ пӧлысь ик судьяосты поттылӥз но соосты тушмон ки улысь мозмытылӥз. Нош судья кулэм бере, калык нош ик сульдэръёслы йыбыртъяны кутскылӥз, эшшо но бадӟымесь сьӧлыкъёс лэсьтылӥз. Озьы соос ас вылазы Кузё-Инмарлэсь вожпотонзэ басьтылӥзы.
Израиль калыклэн таӵе нимоесь судьяосыз вал: Гофониил, Аод, Самегар, азьпал тодытӥсь Девора, Варак, Гедеон, Авимелех, Фола, Иаир, Иеффай, Есевон, Елон, Авдон, Самсон но Самуил. Та книгаын ми тӥледлы куд-огез сярысь мадёмы.
Судьяослэн книгазы
136 
