Bible Stories
Выбрать язык
Choose Old Testament Story
Choose New Testament Story
РУФЬ ВООЗЛЭН БУСЫЯЗ
Ноеминен Руфь кызьы но озьы Вифлееме вуизы. Отчы вуэмзы бере, быдэс город паймыса вераськиз: «Ноеминь ик-а меда та?» Нош со пумитазы шуылӥз: «Эн шуэ монэ Ноеминь, шуэ монэ Мара – “курыт“, уго Дунне Кутӥсь Инмар мыным туж бадӟым кайгу лэзиз. Татысь мон тырмыт ваньбурен потӥ, нош берытски – буш киын».
Одӥг пол Руфь мынӥз Ноеминьлэн Вооз нимо ӵыжы-выжыезлэн бусыяз, арасьёс бере кылем юшепъёс бичаны. Бусы кузё тодмаз Ноеминьлэсь кензэ. Соку со Руфез дораз ӧтиз, нуналлы быдэ бусыям ветлы шуиз. Медоосызлы косон сётӥз: бервылазы соос Руфьлы нимысьтыз юшепъёс мед кельтозы, номырин но сое вӧсь медаз каре. Собере Вооз Руфьлы шуиз: «Аслэсьтыд анай-атайдэ кельтыса, картэдлэн анаез сьӧры мурт калык доры лыктэм поннад, Инмар тыныд ӟечлык мед сётоз. Израильлэн Инмарез Кузё-Инмар, Кудӥз доры тон бурд улаз буйгатскон шедьтыны лыктӥд, пачыл медзэ-кузьымзэ тыныд мед сётоз!»
Лякыт, зӥбыт сямо Руфь солэн пумитаз шуиз: «Кузёе, жаля монэ! Вань ляльчиосыд пӧлысь ваньмызлэсь ярантэмезлы ляльчиедлы ӟеч кылъёс вераса, тон монэ буйгатӥд».
Ӝоген Вооз Руфез кышнолы ваиз, пи нунызы вордскиз. Вифлеем кышноос Ноеминьлы шуизы: «Данлыко Кузё-Инмар – Со тонэ выжы утисьтэк ӧз кельты! Солэн нимыз быдэс Израильын данъямын мед луоз! Та нуны тыныд шумпотон ваёз, пересьмем берад тонэ сюдоз, уго со тонэ яратӥсь кенэдлэсь вордскиз. Нош со кенэд – сизьым пиосты воштэ». Ноеминь нуныез кияз кутыса, вешаса возиз, бускель кышноос куспазы вераськизы: «Ноеминьлэн пиез вордскем». Нунылы Овид ним сётӥзы. Со вал Давидлэн атаезлэн, Иессейлэн, атаез. Давид Израильлэн быдӟым эксэез луиз. Со сярысь азьпалан вераськон.
Руфь 1:19-21; 2:1-16; 4:13-17
146 
