Bible Stories
Выбрать язык
Choose Old Testament Story
Choose New Testament Story
ИНМАР ХРАМ
Инмар Давидлы шуиз, Соломон пиед Кузё-Инмарлы корка, пе, пуктоз, со храм шуыса нимаськоз. Отын Инмарлэн дэлетэз улыны кулэ. Соломон Кузё-Инмарлэсь косонзэ быдэстӥз: Солы чеберлэсь но чебер храм пуктӥз. Храмлэн пушкыз зарниен шобыртэмын вал, лампадаос ӝуаку, ваньмыз чиляса, пиштыса улӥз. Храм котыре азбар лэсьтӥз, сое из борддорен котыртӥз. Азбарын сылӥзы бадӟымесь дас ыргон мисьтӥськонъёс, отысь ву лэзьыса миськылӥзы курбонлы ваем ыжъёсты. Одӥгез тужгес но бадӟымез вал, со ыргонлэсь лэсьтэм дас кык ошъёслэн сульдэрзы вылын сылӥз. Отысь священникъёс гинэ мисьтӥськыны ву басьтылӥзы. Азбарын ик сылӥз ыргонлэсь лэсьтэм курбон сётон.
Храм пушкысь Святойлэсь но святой, давир шуыса нимаськись инты, чылкыт зарниен шобыртэмын вал. Отын сӥзён ковчег сылӥз. Давир азьын зарнилэсь лэсьтэм курбон сётон сылӥз, со вылын фимиам (ладан) ӵындытыса улӥзы. Давирын вӧйпулэсь лэсьтэм, зарниен шобыртэм кык бадӟымесь кылчинъёс-херувимъёс сылӥзы. Херувимъёс сокем бадӟымесь вал – огезлэн бурдыз огпал борддоре йӧтэ, мукетызлэн – мукет пал борддоре. Мукет бурдъёссы огзы борды огзы храм шорын йӧтӥськизы.
Храмлэн борддоръёсаз херувимъёс, пальмапуос, сяськаос суредамын вал. Храмлэн выжез но зарниен шобыртэмын вал.
3 Эксэйлык 6:14-36
178 
