Bible Stories
Выбрать язык
Choose Old Testament Story
Choose New Testament Story
ВИЗЬНОДО СОЛОМОН ЭКСЭЙ
Давид кулэм бере, Кузё-Инмар солэсь Соломон пизэ Израильлы эксэй кариз. Одӥг пол Инмар Соломонлы изьыкуз возьматскиз но, мар гинэ, пе, уд куры, ваньзэ сёто шуиз. Соломон тодэ вал, макем секыт умой, шонерлыко эксэй луыны, соин ик со Кузё-Инмарлэсь, трос калыкен кивалтыны быгатон понна, визьнодо луон куриз. Кузё-Инмар солы шуиз: «Аслыд кема улон аръёс но, узырлык но, тушмонъёсыдлы бырон но курымтэед понна, нош быгатыса кивалтыны аслыд визьнод, визьлык куремед понна, мар тыныд кулэ, Мон сое тыныд сёто. Мон тонэ визьнодо, валась сюлэмо каро. Тон ӧд ке но куры, Мон тыныд узырлык но, данлык но сёто, тынад улон аръёсад тон кадез эксэй дунне вылын уз луы. Мынам сётэм сюрес кузям ветлӥд ке, пуктон-косонъёсме, курон-косонъёсме Давид атаед кадь быдэсъяса улӥд ке, улон нуналъёстэ йылэто».
Одӥг пол Соломон доры куспазы ченгешись кышномуртъёс лыктӥзы, бӧрсязы пичи пиез ваизы. Кыксы но шуизы, та, пе, мынам нуные. Тодыны, кудӥз пӧяське, кудӥз шонер вера, Соломон таӵе ӵектон сётӥз: нуныез шори ӵогыны но, ог люкетсэ – огезлы, мукетсэ мукетызлы сётыны. Зэмзэ вераса, нуныез виыны со ӧз но малпа, но та кылъёсты соосты эскерон понна вераз. Соку одӥгез кышномурт шуиз: «Ӵоге нуныез, мыным но, солы но со медаз сюры!» Нош мукетыз черектӥськиз: «Эсьмаса, со нуныез та кышномуртлы сётэ, эн гинэ сое вие». Тазьы Соломон тодӥз, кудӥз зэмос анай. Уго зэмос анай гинэ, нунызэ улэп кельтон вылысь, сое муртлы сётоз.
3 Эксэйлык 3:5-28
176 
