Bible Stories
Выбрать язык
Choose Old Testament Story
Choose New Testament Story
СОЛОМОН ИНМАР БОРДЫСЬ УСЕ
Храмез пуктыкузы, Инмар дорысь Соломонлы верамын вал: «Мынэсьтым законъёсме быдэсъяд ке, пуктон-косонъёсыя лэсьтӥд ке, курон-косонъёсме утид ке, соку Мон атаедлы, Давидлы, сӥземме тон вылын быдэсто; Израиль пиос пӧлын уло, Ас израиль калыкме уг кушты». Нырысь пал Инмарлэсь вань курон-косонъёссэ Соломон сюлмысьтыз быдэсъяз. Но ортчизы трос аръёс, пересьмем бераз Соломон Инмарлэсь палэнскиз. Солэн трос вал язычникъёс пӧлысь басьтэм кышноосыз, ваньзы соос сульдэръёслы-идолъёслы йыбыртъязы, улэп Инмарез соос ӧз тодэ. Зэм Инмарез тодӥсьтэм кышноосыз Соломон эксэез сульдэръёслы йыбыртъян пала берыктӥзы, соослэн сульдэръёссылы Соломон курбон сётон пуктылӥз.
Ӧвӧлтэм инмаръёслы йыбыртъяны Инмар Соломонэз ӧз косы, нош Соломон Кузё-Инмарлэсь солы сётэм курон-косонъёссэ ӧз быдэсты, сюлмыныз Кузё-Инмар бордысь палэнскиз. Та понна Инмар Соломонлы вожзэ поттыса шуиз: «Мынэсьтым сётэм сӥзёнме, пуктон-косонъёсме утьымтэед понна, тон дорын ярантэм ужъёс лэсьтӥськем понна, тон киысь эксэйлыкез Мон басьто но ляльчиедлы сёто. Но атаедлы, Давидлы, луыса, тае тон улэп дыръя уг лэсьты; пиедлэн ки улысьтыз Мон эксэйлыкез талало. Но быдэссэ эксэйлыкез уг тала. Одӥгзэ выжыез, Давид ляльчиелы, Аслам быръем Иерусалимелы луыса, тынад пиедлы сёто».
Озьы ик луиз. Эксэйлэн сьӧлыкез понна кун кык люкетлы люкиськиз. Соос куспазы керетыса, тэрытэк улыны кутскизы.
3 Эксэйлык 6:12-13; 11:1-13
184 
