Bible Stories
Выбрать язык
Choose Old Testament Story
Choose New Testament Story
НЫРЫСЕТӤ АДЯМИОСТЫ КЫЛДЫТОН
Инмар шуиз: «Асьмелэн тусбуймылы, Асьмелы укшась адямиез кылдытомы*а; зарезь чорыгъёсын, ин тылобурдоосын, пудо-животэн, быдэс музъемен, вань нюж, гыж кыстӥськыса ветлӥсьёсын адями кузёяськыса мед улоз».
Инмар адямиез – пиосмуртэз но, кышномуртэз но – Ас тусбуезъя, Инмарлы укшатыса кылдытӥз.
Инмар соосты бакель (благословить) карыса шуиз: «Йылэ, трос луэ, музъемез тырмытэ, сое ки улады кутэ; зарезь чорыгъёсын, ин тылобурдоосын, котькыӵе пудо-животэн, нюж кыстӥськыса ветлӥсьёсын кузёяськыса улэ». Инмар шуиз: «Мон тӥледлы музъем вылысь кидыс кизись турынъёс сётӥ, пӧртэм емышо писпуос сётӥ: ваньмыз таос тӥледлы сиыны яралозы; нош вань луд пӧйшуръёслы, вань ин тылобурдоослы, музъем вылтӥ нюж ветлӥсьёслы – вань улэп макеослы вож турын-куарез сиёнлы сётӥ». Тазьы ик луиз.
Инмар адӟиз Солэн Аслаз вань кылдытэмез, туж умой луэ шуыса. Ӝыт вал, ӵукна вал: куатетӥ нунал.
Тазьы кылдытэмын вал ин но музъем – ваньмыз, мар соос пушкын вань. Сизьыметӥ нуналлы Инмар лэсьтоно ужъёссэ быдэстӥз; сизьыметӥ нуналаз вань ужъёсыз бере Со шутэтскиз.
Пиосмуртлэн нимыз Адам вал, кышномуртлэн – Ева. Кузё-Инмар соосты чебересь, шудоесь карыса кылдытӥз. Соос туж ярато вал Кылдытӥсьсэс, Инмар но соосты яратӥз.
Кузё-Инмар адямиос ки улэ вань кылдытэм макеосты сётӥз, соос сярысь мед сюлмаськозы шуыса.
Шунды ӝужанэ, Едеме, Кузё-Инмар рай пуктӥз. Бакель карыса, Кузё-Инмар Адамез но Еваез Едемысь рае интыяз; Аслэсьтыз кылдытэм адямизэ отчы интыяз. Кузё-Инмар соослы та садэз утялтыса, возьмаса улыны косӥз.
Улон-вылон 1:26-31; 2:7-22
*а Куиньмо Инмар – Инмар Атай, Инмар Пи, Святой Дух – одӥг, люкиськисьтэм. Адямиез кылдытыкуз, кызьы шуэмын Моисейлэн 1-тӥ книгаяз, Инмар вера трос лыдын: «Кылдытомы».
18 
