Bible Stories
Выбрать язык
Choose Old Testament Story
Choose New Testament Story
АДАМЕН ЕВАЕЗ РАЙЫСЬ УЛЛЯН
Нош одӥг пол Адамен Ева Инмарлэсь ӧз кылзӥське. Со понна соосты Со райысь улляз. Тазьы со вал.
Кузё-Инмар соослы садысь вань писпуослэсь емышсэс сиыны лэзиз, одӥг писпулэсь емышсэ сяна. Со нимаське вал, “ӟечез но уродэз тодон писпу“ шуыса. Инмар шуиз, та курон-косонэз соос сӧризы ке, кулозы.
Нош Инмарлэн но, адямиослэн но тушмонзы – шайтан – Адамен Еваез быдтыны малпаз. Одӥг пол со, кый луыса, Ева доры лыктӥз но шуиз: «Зэмзэ ик-а Инмар шуиз: “Райысь нокыӵе но писпуослэсь емышсэс эн сие“?» Ева тазьы ответ сётӥз: «Вань писпуослэсь емышсэс ми сиыны быгатӥськомы, рай шорын будӥсь писпулэсь емышсэ гинэ Инмар сиыны ӧз лэзьы, медам кулэ шуыса». Соку кый, Евалэн сюлмаз Инмарлэн верам кылъёсызлы осконтэм мылкыд пыӵатон понна, сое ӧрекчаны кутскиз: «Уд, уд кулэ; Инмар тодэ, кудаз нуналэ емышез оскалтоды, со нуналэ тӥляд синъёсты усьтӥськозы, соку тӥ ӟечез, уродэз тодӥсь инмаръёс кадесь луоды».
Кыйлэн верам кылъёсыз бере, Ева писпу шоры учкиз но солэн емышез сиыны ярамон кадь потӥз, син азяз чебер адскиз, туж бордаз кыскиз, уго со тодонлык сётӥсь писпу вал. Ева писпуысь емышез ишкалтӥз но сииз сое, аслаз кузпалызлы Адамлы но сиыны сётӥз.
Соку Инмар Адамлы шуиз: «Аслад кышноедлэсь верамзэ кылзӥськыса, писпуысь лэзьымтэ емышез сиемед понна, музъем каргамын; вань улон нуналъёсыд ӵоже пӧсятозяд ужаса, со музъемын будэтэм сиёнэн кӧттэ тырод... Со музъеме ик берытскытозяд, кытысь тон поттэмын, ымныртӥд нюлам вуэд бызьыса, няньдэ сиёд; уго тон сюй, сюе ик берытскод». Кузё-Инмар Адамен Еваез туж шулдыр садысь улляз, отчы берытскыны соос ӧз ни быгатэ.
Улон-вылон 3:1-23
20 
