Bible Stories
Выбрать язык
Choose Old Testament Story
Choose New Testament Story
ИЗРАИЛЬ – УЙПАЛ ЭКСЭЙЛЫК
Та эксэйлык ог кык сю ар улӥз. Эксэй пуконын дас укмыс кивалтӥсьёс пукизы: Иеровоам, Нават, Вааса, Ила, Замврий, Амврий, Ахав, Охозия, Иорам, Ииуй, Иоахаз, Иоас, Иеровоам II, Захария, Селлум, Менаим, Факия, Факей, Осия. Та кунлэн ортчем сюресэз вирен орсмемын. Со дугдылытэк Иуда кунэн, мукет калыкъёсын ожмаськыса улӥз. Уйпал эксэйлыкын укмыс эксэй выжыос воштӥськизы, нош Лымшор эксэйлыкын кивалтӥз одӥг эксэй выжы – Давид эксэйлэн выжыез.
Уйпал эксэйлыкысь кивалтӥсьёс Кузё-Инмарлы ярантэм ужъёс лэсьтыса улӥзы. Соос Инмар сюрес вылысь кожылӥзы: Инмарлы оскисьтэмесь вал, лекесь-жобесь ужъёс лэсьтылӥзы, сульдэръёслы-идолъёслы йыбыртъяса улӥзы. Сьӧлыклэсь кышкасьтэм эксэйёс вань калыкез сьӧлык пӧлы пыртылӥзы. Нырысетӥез эксэйзы, Иеровоам, дыръя ик, соос сульдэръёслы йыбыртъяны кутскизы. Иеровоам эксэй ас понназ ачиз малпаськиз: «Та эксэйлык нош ик Давид выжылэн ки улаз сюрыны быгатоз: калык Иерусалимысь Кузё-Инмарлэн храмаз курбон сётыны ветлылӥз ке, калыклэн сюлмыз Иудаысь Ровоам эксэй пала берытскоз. Соку соос монэ виёзы но Ровоам эксэй пала кариськозы». Кенешем бераз, эксэй кык зарни ош сульдэръёс лэсьтыны косӥз но калыклы шуиз: «Тӥледлы Иерусалиме ветлыны кулэ ӧвӧл. Израиль, тани тынад инмаръёсыд, соос тонэ Египет музъемысь поттӥзы». Эксэй одӥгзэ ошез Вефиле пуктыны косӥз, мукетсэ – Данэ. Та луиз сьӧлыкаса улонлэн кутсконэз. Зарни ошпиослы сяна, калык язычникъёслэн Ваал сульдэрзылы но йыбыртъяны кутскиз.
Со виын Израиль кунын улӥз Инмарлэн пророкез – Ахия. Со Иеровоамлы но солэн эксэйлыкезлы пумит азьпалзэ тодытыса веранъёс мадьылӥз: «Тазьы шуэ Израильлэн Инмарез Кузё-Инмар: вань азьвыл кивалтӥсьёслэсь но уродгес ужъёс тон лэсьтӥд, Мынэсьтым вожме поттон понна, мурт инмаръёсты-сульдэръёсты вӧлылӥд-лякылӥд, нош Мон бордысь куштӥськид. Иеровоамъёс вылэ куректон-кайгуос лэзё».
3 Эксэйлык, 12-тӥ, 14-тӥ люкетъёс
190 
