Bible Stories
Выбрать язык
Choose Old Testament Story
Choose New Testament Story
ИУДЕЯ – ЛЫМШОР ЭКСЭЙЛЫК
Иуда кун, мукет сямен вераса, Лымшор эксэйлык, улӥз ог куинь но ӝыны даур ӵоже. Уйпал эксэйлык усем бере, 135 ар ортчыса, таиз но куашказ. Лымшор эксэйлыклэн 20 эксэйёсыз вал: Ровоам, Авия, Аса, Иосафат, Иорам, Охозия, Гофолия (нылкышно эксэй), Иоас, Амасия, Озия (Азария), Иофам, Ахаз, Езекия, Манассия, Амон, Иосия, Иоахаз, Иоаким, Иехония, Седекия.
Лымшор эксэйлыкысь кивалтӥсьёс тросэз Кузё-Инмар бордысь усизы, сульдэръёслы йыбыртъяса, сьӧлыко ужъёс лэсьтыса улӥзы, но соос пӧлын но вал улэп Инмарлы йыбыртъяса улӥсьёс. Кылсярысь, Езекияен Иосия эксэйёс дыръя татын Зэм Инмарлы вӧсяськыны кутскизы, сульдэръёслэсь-идолъёслэсь куалаоссэс куашкатылӥзы. Инмар Кылэз лыдӟыны косӥзы, урод ужъёслэсь куштӥськыса, Инмар законъя, Солэн курон-косонъёсызъя, пуктон-косонъёсызъя улыны дышетылӥзы.
Калыклэн лыдызъя, Иуда кун Израиль кунлэсь ог куать пол пичигес вал. Мукет калыкъёсын ӵошатыса, Иуда кун но, Израиль кун но пичиесь вал. Соос куспазы керетыса-жугиськыса ке но улӥзы, но соослэн вал мукет кышкытэсь тушмонъёссы – язычникъёс: уйпалан – Сирия (Арам), шунды ӝужанын – кужмоесь Ассирия, Вавилон кунъёс, лымшорын – филистим, моавит калыкъёс.
Иудаысь но Израильысь калыкъёс Кузё-Инмар азьын шонер улыкузы, соос тушмонъёссэс вормылӥзы, нош законлы пумит улыны кутскыкузы, Кузё-Инмар соосты вӧсь карылӥз, тушмонъёслэн ки улазы соосты сётылӥз. Кузё-Инмар та калыкез чакласа-утьыса возиз. Со соосты кыр дуннеысь, луоё кырысь, мӧзмыт, шимес дуннеысь шедьтӥз, Ас котыраз бинялтыса возиз, син чеберзэ кадь чаклаз, утиз. (2-тӥ закон 32:10).
188 
