Bible Stories
Выбрать язык
Choose Old Testament Story
Choose New Testament Story
СИРИЯЫСЬ ОЖГАРЧИОСЛЭН КИВАЛТӤСЬСЫ НЕЕМАН
Сирияысь эксэйлэн Нееман нимо ожгарчиосын туж усто кивалтӥсез вал. Со нимо-дано, гажано адями, но туж шимес висёнэн висиз – гижло черен (проказаен). Одӥгаз ожын та кунысь ожгарчиос израиль калык пӧлысь пичи нылэз пленэ басьтӥзы, со Нееманлэн кышноезлы юрттӥськись луиз. Та ныл Инмарлы оскиз, со тодэ вал Кузё-Инмарлэсь Елисей пыр лэсьтылэм паймымон ужъёссэ. Одӥг пол со кузё кышноезлы шуиз: «Э, мынам кузёе Самарияын улӥсь пророк доры ветлысал ке, пророк сое бурмытысал». Пленэ шедем пичи израиль ныллэсь вераськемзэ Нееман кылӥз но эксэез доры лыктыса вераз. Сириялэн эксэез Нееманлы шуиз: «Мын Израиле, мон тон сьӧры Израильлэн эксэезлы гожтэт ысто».
Кышноеныз люкиськем бераз, Нееман Израиле кошкиз. Эксэй доры вуыса, солы гожтэтсэ сётӥз. Отын тазьы верамын вал: «Тон доры та гожтэтэн аслэсьтым ужасьме, Нееманэз, ыстӥсько, тон сое мед бурмытысалыд». Израильлэн эксэез, гожтэтсэ лыдӟем бераз, дӥськутсэ ӵажак кесьыса шуиз: «Мар-о мон Инмар шат, адямиосты виыны но улӟытыны быгатӥсько шат?! Мар-о со мон доры адямиез гижло черезлэсь бурмытыны ыстэ? Адӟиськоды-а, кызьы со тушмонъяськыса улон понна муг утча?»
Та сярысь кылэм бераз, Елисей аслэсьтыз ужасьсэ эксэйлы тазьы вераны ыстӥз: «Мар понна тон дӥськуттэ кесяд? Та адями мон доры мед лыктоз, соку со тодоз, Израильын пророк вань шуыса».
4 Эксэйлык 5:1-8
200 
