Bible Stories
Выбрать язык
Choose Old Testament Story
Choose New Testament Story
НЕЕМАН БУРМЫТЭМЫН
Уробое султыса, Нееман Елисейлэн юртэз доры вуиз но ӧс выжые дугдӥз. Со доры Елисей ужасьсэ тазьы вераны ыстӥз: «Мын, Иорданын сизьым пол мисьтӥськы, мугорыд выльмоз, чылкыталод». Тае кылыса, Нееман туж вожзэ поттӥз но шуиз: «Мон ке нош малпасько вал, та адями султоз но Инмарезлы Кузё-Инмарлы вазиськоз, висись интыям кизэ поноз но гижло черлэсь бурмытоз шуыса. Дамаскысь Авана но Фарфар шуръёс Израильлэн вуосызлэсь умоесьгес ӧвӧл-а? Отын мисьтӥськыны но чылкытаны мон ӧй быгатысал шат?» Йыркурен со Елисей дорысь кошкиз.
Со виын Нееман доры ляльчиосыз лыктыса шуизы: «Атаймы, пророк тыныд мар ке но вылӥзэ лэсьтыны косысал ке, тон сое ӧд лэсьтысалыд шат? Уката ик, со тыныд ваньзэ-ӧвӧлзэ “Мисьтӥськы, чылкыт луод“ шуиз». Соку Нееман малпаз пророклэсь верам кылзэ быдэстыны. Иордан шур дуре лыктыса, сизьым пол вуэ зымылӥз но, мугорыз, пичи пиналлэн кадь, чылкыт луиз.
Табере Инмарлэн адямиез Елисей доры лыктыса, Нееман шуиз: «Табере мон тодӥсько, быдэс дунне вылын мукет инмар ӧвӧл, Израильлэн гинэ Инмарез вань. Нош али ляльчиедлэсь кузьымзэ-саламзэ кут». Нееман туж куриз ке но, Елисей солэсь кузьымзэ-саламзэ басьтыны пумит луиз. Люкиськыкузы Нееман шуиз, мон, пе, азьланяз, Кузё-Инмарлы сяна, мукет инмаръёслы курбонъёс уг ни сётъя.
4 Эксэйлык 5:9-17
202 
