Bible Stories
Выбрать язык
Choose Old Testament Story
Choose New Testament Story
ИЗРАИЛЕЗ АССИРИЯ КИУЛТЭ
Уйпал Израиль кунлэн берпуметӥез эксэез Осия вал. Со укмыс ар ӵоже, асьме вапумлэсь азьло, 730 арысен 721 арозь, эксэйын пукиз но Кузё-Инмарлы ярантэм ужъёс лэсьтыса улӥз. Израильлэн уйпалаз туж бадӟым Ассирия кун интыяськемын, солэн шоркарез Ниневия нимо вал. Со вакытъёсы калыкъёс ог-огзэс таласа-таркаса улӥзы, нош ассирия калык ваньмыз пӧлысь жалянэз валасьтэмез, чурыт сюлэмоез вал. Асьме вапумлэсь азьвыл, 724 арын, Салманассар эксэй туж кужмо войскоеныз Израиль вылэ урдскиз. Израильлэн Осия эксэез Салманассар ки улэ шедиз но Ассириялы выт тырыса улыны кутскиз.
Ассириялэн эксэез шӧдӥз, кызьы Осия Египетлэн Сигор эксэез доры ас адямиоссэ вераськыны ыстэ, нош вытсэ арлы быдэ уг тыры. Соку со Осияез, вузаськем мурт карыса, пытсэтэ ворсатӥз, нош ачиз Израиль вылэ ожен лыктӥз. Самария доры вуыса, сое куинь ар ӵоже котыртыса возиз. Осия укмысэтӥ арзэ эксэйын пукыку, Ассирия Самария карез киултӥз но израиль калыкез Ассирияе нуиз. Соосты Гозан шур вӧзысь Халахе, Хаворе, нош озьы ик Мидияысь городъёсы улыны интыяз. Та вал ини Уйпал Израиль кунлэн быронэз.
Законлы пумит улэм понназ, Кузё-Инмар Ас калыксэ тазьы вӧсь кариз. Тазьы луиз асьме вапумлэсь азьвыл 721 арын. Кык сю ар ортчыса, Уйпал Израиль кунысь калыклэн пичи люкетэз гинэ Ассирияысь Израиле берытскиз. Лымшор Иуда кунысь еврейёсын ӵош соос дор музъемазы бертӥзы.
4 Эксэйлык 17:1-6, 21-23
212 
