Bible Stories
Выбрать язык
Choose Old Testament Story
Choose New Testament Story
ИНМАРЛЭН АВРААМЛЫ КЫЛ СЁТОНЭЗ
Лот люкиськыса кошкем бере, Кузё-Инмар Авраамлы шуиз: «Котырак учкы – уй пала но, лымшор пала но, шунды ӝужан пала но, шунды пуксён пала но. Ваньзэ, та адӟиськись музъемез тыныд, тынад выжыедлы вань вапумъёс ӵожелы сёто. Тынэсьтыд выжыдэ йылэто, луо мында каро; кин ке но музъем вылысь луоез лыдъяны быгатӥз ке, соку тынад выжыед лыдъямын луоз».
Мамре нимо тыпы сурд вӧзы Авраам улыны интыяськиз, отчы со Кузё-Инмарлы курбон сётон инты лэсьтӥз.
Кӧня ке улыса, Инмар нош ик Авраамлы возьматскыса шуиз: «Мон тынад утиськон щитэд; басьтоно медэд-кузьымед туж бадӟым». Нош Авраам Кузё-Инмарлы шуиз: «Дунне Кутӥсь Кузё-Инмаре! Мар Тон мыным сётод? Мон нылпитэк кылисько ни. Тон мыным выжыме азьланьтӥсез ӧд сёты, мурт адями юртэлы кузё луоз». Та пумысен Кузё-Инмар солы шуиз: «Тынад юртэдлы со кузё уз луы; аслад пиед юртэдлы кузё луоз». Собере Со Авраамез балаган пушкысьтыз поттӥз но шуиз: «Инбам шоры учкы но отысь кизилиосты, быгатӥськод ке, лыдъя. Со мында луоз тынад выжы калыкед».
Инмар Авраамлы шуиз: «Сара кышнодэ Сара шуыса эн ни нима, солэн нимыз Сарра мед луоз. Мон сое бакель каро, со пыр тыныд пи сёто».
Авраам Кузё-Инмарлы оскиз, нош Кузё-Инмар Авраамез, оскемез понна, шонер улӥсь шуыса гожтӥз.
Улон-вылон 13:14-16; 15:1-6; 17:15-16
38 
