Bible Stories
Выбрать язык
Choose Old Testament Story
Choose New Testament Story
КЫЛЧИН ПЕТРЕЗ ПЫТСЭТЫСЬ МОЗМЫТЭ
Со вашкала аръёсы оскись калыкез улляса-ӝикатыса возьыны кутскизы. Иоаннлэсь агайзэ Иаков апостолэз, Ирод эксэйлэн косэмезъя, тӥрен кораса виизы. Та уж иудейёслы кельше шуыса, Ирод валаз но та бере Петр апостолэз но кутытӥз, малпаз Быдӟымнунал праздник бере сое калык азе поттыса виыны. Петрез пытсэтын солдатъёс возьмаса улӥзы, нош черк калык дугдылытэк со понна Инмар азьын вӧсяськиз.
Иродлэн Петрез калык азе поттыны малпам нуналызлэн азьвыл уяз со кык солдатъёс вискын кӧлӥз, кык жильыен со думылэмын вал. Возьмаськисьёс ӧс дорын возьмаськыса сылӥзы. Шӧдтэк шорысь, уйшор уе Кузё-Инмарлэн кылчинэз Петрлэн азяз султӥз, пытсэт пушкын югыт пиштыны кутскиз. Петрлэн кӧт урдэсаз йӧтӥськыса, кылчин сое сайкатыса шуиз: «Ӝоггес султы!» Соку ик Петрлэн киысьтыз жильыосыз усизы. Кылчин солы шуиз: «Кустэ дум, пыддэ кутча». Петр озьы ик кариз. Собере кылчин солы шуиз: «Дӥсяськы но мон сьӧры мын». Петр, пытсэтысь потыса, со бӧрсьы мынӥз. Нырысетӥзэ но, кыкетӥзэ но возьмаськисьёсты ортчыса, соос городэ нуись корт капка доры вуизы. Со капка ас понназ ачиз соослы усьтӥськиз; соос потӥзы, одӥгзэ ульчаез ортчемзы бере, Петр вӧзысь кылчин шӧдтэк шорысь ышиз.
Соку Петр, мар луэмез валаса, шуиз: «Табере мон зэмзэ ик адӟисько, Кузё-Инмар Аслэсьтыз кылчинзэ ыстӥз но монэ Иродлэн ки улысьтыз мозмытӥз». Котыр учкыса чакласькиз но Марк шуон Иоаннлэн анаезлэн, Мариялэн, корка палаз мынӥз. Отын трос кузя люкаськыса вӧсясько вал. Соос доры пырыса, Петр вераз, кызьы Кузё-Инмар сое пытсэтысь поттӥз.
Апостолъёслэн ужъёссы 12:1-17
466 
