Bible Stories
Выбрать язык
Choose Old Testament Story
Choose New Testament Story
КИПРЕ НО ПОКЧИ АЗИЕ ПАВЕЛЛЭН ТОДЫТЫСА НЫРЫСЬ ПОЛ ВУЫЛЭМЕЗ
Христос Инмарлэсь Ӟеч Иворзэ вӧлмытӥсьёс пӧлысь Павел апостол луэ одӥгез юн тыршисез. Куинь пол кутскыса со дышетыны-тодытыны потаз туала Грецилэн, Турцилэн музъем вылазы улэм калыкъёс доры.
Нырысь потаназ соин ӵош ветлӥз Варнава. Антиохияысь пыже пуксьыса, соос Кипре вуылӥзы. Кипрысь соос берен вуизы Покчи Азие, собере пыдын, ишакъёс вылын вуизы Галатия ёросысь Икония каре. Татын туж трос калык Христос Инмарлы оскыны кутскиз. Татысен лыктӥзы Листрае. Листраын, Кузё-Инмарлэн нимыныз, Павел чут адямиез бурмытӥз. Калык малпаз, Павелэн Варнава инмаръёс, дыр, шуыса. Зевс сульдэрлэн вӧсясез соослы курбон сётыны малпаз вал. Но апостолъёс пумит луизы: «Воргоронъёс! Мар тӥ лэсьтӥськоды? Ми тӥ кадесь ик адямиос, та ӧвӧлтэмъёс бордысь мед куштӥськоды но Улэп Инмар пала мед берытскоды шуыса, ми тӥледлы Ӟеч Ивор тодытӥськомы. Улэп Инмар кылдытӥз инмез но музъемез, зарезез но – ваньзэ, маръёс соос пушкын вань... Со ялан Ачиз сярысь ӟеч ужъёс пыр тодэ вайытэ: инмысен асьмелы зор но удалтэм юнянё аръёс сётэ, сиёнэн но, шумпотонэн но сюлэмъёсмес тыр каре».
Нош Листрае вуэм иудейёс калыкез бугыръяны кутскизы: «Соос номыр но зэмзэ уг верало, ӧрекчасько гинэ», – шуизы. Павел вылэ изъёс зӥръяны кутскизы. Но Инмар Павелэз утиз, со ӧз кулы. Сюрессэ азьланьтыса, со вуиз Дервия каре. Татын но со Ӟеч Иворез тодытӥз, трос калык Кузё-Инмар пала берытскиз. Павелэн Варнава Дервияысь Антиохияе берытскизы.
Павел апостоллэн нырысетӥез мынон-ветлонэз ог куинь ар пала кыстӥськиз, Иисус Христослэн вордскемез бере 45–48-тӥ аръёсы вал со.
Апостолъёслэн ужъёссы, 13-тӥ – 14-тӥ люкетъёс
468 
