Bible Stories
Выбрать язык
Choose Old Testament Story
Choose New Testament Story
ИЗРАИЛЬ КАЛЫК ЕГИПЕТЛЭН ЗӤБЕТ УЛАЗ
Трос-трос аръёс ортчизы. Иаков но, солэн вань нылпиосыз но кулӥзы. Иаков Инмарен нюръяськыку, Кузё-Инмар сое бакель кариз но выль ним сётӥз – Израиль. Со ним “Инмарен нюръяськись“ шуыса берыктӥське. Соин ик Иаковлэн выжыез та дырозь Израиль шуыса нимаське.
Иосиф кулэм бере, Египетэн кузёяськыны кутскиз мукет эксэй. Со номыр но уг тоды вал визьмо Иосиф сярысь, солэн ӟеч ужъёсыз сярысь. Со адӟиз, кызьы израиль калык йылэ но египет калыклэсь кужмогес луэ. Соку со ас калыкезлы шуиз: «Израиль калык медаз ни йылы шуыса, ваелэ, кыӵе ке но кескич уж малпаломе. Уго тазьы луыны быгатоз: ожмаськон потоно ке луиз, соос тушмонъёсынымы огазеяськозы но асьме вылэ урдскозы, собере асьме музъемысь кошкозы».
Секыт ужез быдэсъятон понна, эксэй израиль пиос сьӧрын чакласа улӥсьёсты пуктытӥз. Но израиль пиосты макем зол ӝикатыса возизы, сокем ик соос эшшо но зол йылӥзы; соослэсь кышканы кутскизы. Соин ик египет калык соосты чик жалятэк секыт ужъёсты быдэсъятӥз, соослэсь улонзэс чидантэм секыт карыны тыршизы.
Инмар адӟиз, Со вылэ оскиськыса улӥсь калыклэсь кема курадӟемзэ, соку Со та калыклы мозмытӥсь лэзиз.
Моисейлэн 2-тӥ книгаез. Потон 1:6-14
80 
