Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 2
Пазось путызе-вадизе Инязоронть Сион лангс
1Мекс раськетне бизмолгалить,
мекс буетне арсить стяконь тевде?
2Масторлангонь инязортнэ кепсевить,
прявттнэ вейсэндявить Азоронть ды Сонзэ Вадевтенть
*а каршо.
Сынсь кортыть:
3«Сезнесынек сынст терттнень
ды ёртсынек лангстонок сынст кшнинь рисьметнень».
4Менельсэ Эрицясь пеедькшни,
Азорось згили лангсост.
5Сон кежень пачк корты тенст
ды Эсензэ ацирьгадомасонть пек тандавтсынзе сынст:
6«Мон вадия*б Инязором Сион*в лангс,
Монь иневанькс пандонть лангс».△
7Ёвтаса Азоронть аравтовксонзо*г.
Сон мерсь Монень: «Тон Монь Цёрам,
течи Мон чачтытинь Тонь.
8Вешть Монь кедьстэ – ды макссынь Тонеть раськетнень,
кедеть алов – модатнень-мастортнэнь педе-пес.
9Тон сынст яжасыть кшнинь мандосот*д,
поркснесыть сынст, кода сёвонень кедьгетнень».
10Эно совадо превс, инязорот!
Саеде лия мельть-превть, масторлангонь прявтт-судият!
11Важодеде Азоронтень мельдензэ пелезь
ды талнозь кенярдодо [икелензэ].
12Ванодо Цёранть мелензэ, илязо кеждя Сон,
ды аволиде ёма тынь апак учо эсенк килангсо.
Сонзэ кежесь курок кирвази.
Уцяскавт весе, кить кемить-нежедить Сонзэ лангс.
Шнамо
*а 2:2 Вадевть – Помазанник
*б 2:6 вадемс – прянь ойсэ (елейсэ) ваднема вельде инязорокс путома; помазать
*в 2:6 Сион пандось чарькодеви тесэ истя жо, кода Иерусалим ош.
*г 2:7 аравтовкс – устав, постановление
*д 2:9 мандо – тесэ: скипетр
Глава 2
