Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 3
Стака шкасто валскень ознома
1Давидэнь псалмась, зярдо сон оргодсь Авессаломонь *а, эсь цёранзо, эйстэ.
2Азоро! Кода ламолгадсть монь душманон!
Ламот кепсевить монь каршо.
3Ламот кортыть мондень:
«Пазось а идесы сонзэ».
4А вана Тон, Азоро, монь идема ваксаром*б, монь инексчим*в.
Тон верев кепедят монь.
5Виев вайгельсэ сеерян мон Азоронтень,
ды Сон мари монь Эсензэ иневанькс пандонзо лангсто.
6Мон мадян, удан ды стян –
Азорось свал вансты монь.
7Секскак а пелян ламодояк ламо ломантнеде,
конат эрьва ёндо сыргасть монь лангс.
8Азоро, стяк! Монь Пазом, идемак!
Эдь Тон чават чама ланга весе монь душмантнэнь,
синдтрят-тапсят зыяновтнень пеест.
9Азорось идесамам монь.
Кадык Тонь чанстямось*г ули Эсеть раськеть лангсо.
Шнамо
*а 3:1 Авессалом – Давид инязоронть цёразо, кона стясь эсь тетянзо каршо
*б 3:4 ваксар – щит
*в 3:4 инексчи – слава
*г 3:9 чанстямо – благословение
Глава 3
