Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 5
Ванстомадо ознома
1Моравтомань ветицянтень. Пувамонь седямопель марто. Давидэнь псалмась.
2Азором, марить монь валон,
редить монь кувсеман-вайкстнеман.
3Монь Инязором ды монь Пазом!
Кунсолык монь рангома вайгелем,
эдь мон Тонеть ознан!
4Азором! Валске ланга марик монь вайгелем,
валске анокстан Тонеть ознома△.
ды карман учомот.
5Тон Паз, кона а вечки нулгодькс тевть.
Тон а сайсак Эстеть зыяновонть.
6Прянь шныцятне а кармить аштеме Тонь сельметь икеле,
Тон пек а вечксыть весень, кить теить зыян.
7Тон маштсыть кенгелицятнень.
Азорось нулгоди верень валыцятнеде
ды салава сускицятнеде.
8А вана мон, Тонь покш седеймарямот коряс, сован Тонь озкудос*а,
пелезь-талнозь сюконян Тонь иневанькс аштема таркат ёнов.
9Азором! Ветямак монь Эсь видечить коряс монь душмантнэнь икеле.
Теик тень чарькодевиксэкс кинть, кува эряви монень молемс.
10Душмантнэнь кургосто а марят алкуксчи,
седейсэст-потсост ёмамонь мельть.
Сынст кирьгапарест теке панжадо калмо,
кельсэст-валсост – сельме икельга шнамот-савтомат.
11Пазом, чумондыть сынст!
Кадык прыть сынь эсест мельдест-арсемадост.
Ламо зыянов тевест кувалма ёртыть-ёмавтыть сынст,
эдь сынь кепедевсть Тонь каршо.
12А вана Тонь лангс нежедицятне кадык кенярдозевить.
Кадык сынь эрьгелить*б пингеде пингес.
Тон кармат аштеме сынст кисэ.
Тонь вечкицятне кармить кецнеме Тонеть.
13Азором! Тон чанстят*в видечинь ломаненть.
Паро мельсэть, теке ваксарсо, кекшат сонзэ.
*а 5:8 озкудо – храм
*б 5:12 эрьгелемс – кенярдомс, кецямс
*в 5:13 чанстямс – благословить
Глава 5
