Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 6
Олякстомтомадо ознома
1Моравтомань ветицянтень. Кавксо струна марто седямопельсэ. Давидэнь псалмась.
2Азоро, аволь кежсэть ливтемак лангс,
аволь ацирьгадомасот пандт тень чумонть.
3Азоро, ульть седеймарицякс монень, –
монь вием маштсь.
Азоро, шумбралгавтомак монь,
весе ловажан чулксетить.
4Оймемгак сорны-ризны.
Азоро, зярс истя ули?
5Азоро, велявтт монь ёнов,
ванстык эрямом,
идемак монь Эсь седеймарямот коряс.
6Кулозтнень арась Тондеть ледстнема.
Тоначисэ кие карми Тонь шнамо?
7Монь сизевтимизь эсень кувсематне.
Эрьва вене сельведьсэнь шлякшнан эсень удома таркам,
начтан эсень ацамон-вельтявксон.
8Сельмень сизесть ризкстэнть,
чополгадсть весе душмантнэде.
9Туеде эйстэнь, зыянонь весе кандыцятне, –
Азорось маризе монь авардемам.
10Азорось маризе монь энялдомам,
Азорось марясы монь озномам.
11Кадык улить визделгавтозь
ды пек тандавтозь весе монь душмантнэ.
Кадык сынь визьксчамасо седе курок оргодить.
Шнамо
Глава 6
