Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 10
Кемема-нежедема Пазонть лангс
Моравтомань ветицянтень. Давидэнь псалмась.1Мон кеман-нежедян Азоронть лангс.
Эно мекс тынь кортатадо монень:
«Нармунь ладсо ливтяк эсеть пандопряс.
2Онот, зыяновтне таргизь-анокстызь налост,
кеместэ мендизь налчирькетнень,
чоподасо бажить леднемс виде ойметнень.
3Зярдо яжазь-калавтозь юртнэ-лувтне,
мезе теи видечинь ломанесь?»
4Азорось Эсензэ иневанькс озкудосонзо.
Сонзэ инеэземезэ менельлангсо,
Сонзэ сельмензэ неить [кажовонть],
варштавксозо варчавтни-терявтни ломантнень.
5Азорось варчавтни-терявтни видечинь ломаненть,
а вана зыяновонть ды лепштямонь вечкицянть
сельмензэяк авольть нее.
6Сон зыяновтнень лангс пиземекс валы
палыця седь*а ды палыкандал*б.
Пултыця варма сынст таликаст.
7Азорось виде ды вечки видечи.
Сонзэ чачонзо несызь видечинь коряс эрицятне.
*а 10:6 седь – уголия
*б 10:6 палыкандал – сера
Глава 10
