Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Библия»содержаниеКнига РуфьПсалтирьПритчиЕкклесиастПесни ПеснейИона

Книги Нового Завета Выбрать книгупро «Од Вейсэньлув»содержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

ПСАЛТИРЬ

ОЗНОМАМОРОТ

Глава 135

Азоронть седеймарямозо пингеде пингес

Аллилуя!

1Шнадо Азоронть! Сон паро.
   Сонзэ седеймарямозо пингеде пингес.
2Шнадо пазтнэнь Пазонть!
   Сонзэ седеймарямозо пингеде пингес.
3Шнадо азортнэнь Азоронть!
   Сонзэ седеймарямозо пингеде пингес.

4Шнадо Сонзэ, кие ськамонзо теи ине тамашат.
   Сонзэ седеймарямозо пингеде пингес.
5Сон ине превейчисэнзэ теизе менеленть.
   Сонзэ седеймарямозо пингеде пингес.
6Сон кемекстызе моданть ведтнень ланга.
   Сонзэ седеймарямозо пингеде пингес.
7Сон теинзе ине валдомтыцятнень.
   Сонзэ седеймарямозо пингеде пингес.
8Сон теизе чипаенть – чинть ветямонзо туртов.
   Сонзэ седеймарямозо пингеде пингес.
9Сон теинзе ковонть ды тештетнень – венть ветямонзо туртов.
   Сонзэ седеймарямозо пингеде пингес.

10Сон маштынзе Египетэнь васень чачовтнень.
   Сонзэ седеймарямозо пингеде пингес.
11Сон ливтизе Израиленть Египетстэ.
   Сонзэ седеймарямозо пингеде пингес.
12Сон виев кедьсэнзэ, венстезь кеме кедьсэнзэ ливтинзе сынст.
   Сонзэ седеймарямозо пингеде пингес.
13Сон явизе кавтов Якстере иневеденть.
   Сонзэ седеймарямозо пингеде пингес.
14Сон ютавтызе Израиленть сонзэ трокс.
   Сонзэ седеймарямозо пингеде пингес.
15Сон ваявтызе фараононть ушмонзо марто Якстере иневедентень.
   Сонзэ седеймарямозо пингеде пингес.

16Сон ветизе Эсензэ раськензэ чаво модава.
   Сонзэ седеймарямозо пингеде пингес.
17Сон изнинзе ине инязортнэнь.
   Сонзэ седеймарямозо пингеде пингес.
18Сон маштынзе виев инязортнэнь.
   Сонзэ седеймарямозо пингеде пингес.
19Сон маштызе Сигононь, Амореень инязоронть.
   Сонзэ седеймарямозо пингеде пингес.
20Сон маштызе Огонь, Васанонь инязоронть.
   Сонзэ седеймарямозо пингеде пингес.
21Сон максынзе сынст модаст уличикс Эсензэ раськентень.
   Сонзэ седеймарямозо пингеде пингес.
22Сон максынзе модаст уличикс Израилентень, Эсензэ урентень.
   Сонзэ седеймарямозо пингеде пингес.
23Сон кирдсь мельсэнзэ минек сестэяк, зярдо ульнинек покордазь.
   Сонзэ седеймарямозо пингеде пингес.
24Сон менстимизь душмантнэде.
   Сонзэ седеймарямозо пингеде пингес.

25Сон максы ярсамопель эрьва эриентень.
   Сонзэ седеймарямозо пингеде пингес.
26Шнадо менелень Пазонть!
   Сонзэ седеймарямозо пингеде пингес.

 Глава 135