Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 136
Вавилонсо майсемань авардема
Давидэнь псалмась.
1Вавилононь лейтнень чиресэ
минь аштинек озадо ды авардинек,
зярдо ледстнинек Сиондо.
2Лей чирень кальтнень ланга
минь понгавтнинек арфанок.
3Полонс саицянок кармавтсть эйсэнек тосо морамо,
лепштицянок кармавтсть эрьгелеме.
Сынь кортасть: «Морадо миненек Сиононь моро».
4Кода миненек морамс Азоронть моронзо
лия масторсо?
5Бути мон стувттан тонь, Иерусалим,
сестэ кадык коськи монь вить кедем.
6Кадык педи келем кургоменелезэнь,
бути а карман ледстнеме тонь, Иерусалим,
бути тон а улят монь сехте ине эрьгелемакс!
7Ледстик, Азоро, Едомонь ломантненень
Иерусалимень се чинть, зярдо сынь кортасть:
«Калавтомс сонзэ! Нардамс сонзэ моданть лангсто!»
8Вавилононь тейтерь*а, калавтыця!
Уцяскав се, кие пандсы теть сень кисэ,
мезе тон теить мартонок.
9Уцяскав се, кие сайсынзе тонь пиже эйкакшот
ды эшксесынзе кевс!
Шнамо
*а 136:8 Тесэ, паряк, кортави Вавилон ошто эли Едомдо. Вант икельце валрисьменть.
Глава 136
