Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 40
Сэредицянть озномазо
1Моравтомань ветицянтень. Давидэнь псалмась.
2Уцяскав се, кие а стувтсы кажовонть [ды пурныцянть].
Стака чистэ Азорось идесы те ломаненть.
3Азорось идесы сонзэ ды ванстасы эрямонзо.
Уцяскав карми улеме сон масторонть лангсо,
ды Азорось а макссы сонзэ душманонзо кедьс.
4Азорось сэредемстэнзэ кемекстасы сонзэ,
кепедьсы таркастонзо шумбракс.
5Мон меринь: «Азоро, ульть седеймарицякс монень,
шумбралгавтык монь оймем,
эдь мон Тонь икеле теинь пежетть».
6Монь душмантнэ кежень пачк мондень кортыть:
«Зярдо кулы сон ды зярдо нардави-ёми сонзэ лемезэ?».
7Ды бути кияк эйстэст сы монь содавтомо,
сон корты кенгелезь.
Сон седейзэнзэ пурны авидечи,
туемадо мейле кортавты эйсэнь.
8Весе монь авечкицятне тошкить эсь ютковаст монь эйстэ,
арсить-поныть монь каршо зыян.
9Сынсь кортыть: «Мезе-бути берянь прась лангозонзо,
сон кармась резэме ды а стяви зярдояк».
10Натой се ломанеськак, кие ульнесь малавикс ялгам,
кинень мон пек кеминь,
кие ярсась мартон монь кшиде,
стясь монь каршо.
11Тон жо, Азоро, ульть седеймарицякс монень,
кепедемак-стявтомак монь, ды мон пандса тенст.
12Зярдо монь душманось а карми кеняркшномо
монь стакачитненень,
сестэ карман содамо: мон тукшнан Тонь мельс.
13Тон ванстасамак монь, эдь монь арась чумом,
ды сайсамак Эстеть пингеде пингес.
* * * * *
14Шназь улезэ Азорось, Израилень Пазось,
пингеде пингес! Аминь, аминь.
△
Глава 40
