Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Библия»содержаниеРуфьПсалтирьПритчиЕкклесиастПесня ПеснейИона

Книги Нового Завета Выбрать книгупро «Од Вейсэньлув»содержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

Екклесиастонь эли Тонавтыцянь книгась

Мельсэть кирдть Теицянть

1Домкасто арсек Теицядот од шкастот,
   зярс оштё эзть са стака читне
   ды эзть ушодово иетне,
   конатнеде кармат кортамо:
   «Арась эйсэст монь туртов ёжонь витема!»,
2зярс оштё эзть лепамо чипаесь ды валдось,
   эзть чополгадо ковось ды тештне,
   ды ютазь пиземеденть мейле
   одс эзть велявто-новоле пельтне.
3Се чистэнть сорнозевить кудонь-паронь ванстыцятне,
   ды виев цёраломантне кичкерьгадыть,
   яжавтыця тейтерьаватне лоткить яжавтомадо –
   эдь сындест аламо кадовсть.
   Вальмава ваныцятне лоткить неемадо,*а
4ушов лисемань кенкштне кармить пекстневеме,
   лепами ведьгевень увтось,
   ломанесь карми сыргоземе мик нармунень чоледемадонть,
   чатьмонезевить весе морыцятне.*б
5Сестэ ломантне кармить тандалеме сэрейчиденть
   ды китнень лангсо эрьва кодат пелема таркатнеде,
   миндаленть лангсо теевить ашо панжовкст,
   тастась карми стакасто эскелямо,
   каперсэнь кенерькстнэнь маштыть виест.*в
   Эдь ломанесь туи пингеде пингень кудозонзо,
   ды лайшицятне яксить ошонь кужотнева.

6Секс кеместэ арсек Теицядот,
   зярс оштё эзь сезеве сиянь рисьмесь,
   эзь колаво сырнень кедьгесь,*г
   эзь тапаво лисьмапрянть вакссо ведень кандтнема чакшось
   ды зярс эзь пра лисьмантень велькссэнзэ чарысь.
7Сестэ уловось велявты модачелькекс,
   мезекс сон ульнеськак.
   Ды оймесь велявты Пазонтень,
   Конась сонзэ максызеяк.

8Тунь смусттеме тевть, – мерсь Тонавтыцясь. –
   Весемесь – тунь смусттеме!

Весе марязентень меельце вал

9Тонавтыцясь сонсь пек превеель ды, теде башка, кандсь содамочить раськентень. Сон весементь варчнизе, тонавтнизе ды пурнась-ладсесь ламо валмеревкст ды превс путомат.10Тонавтыцясь бажась муемс мазый, виев валт ды видечинь валтнэнь сёрмадынзе видестэ.

11Пек превейтнень валост – теке жагала,*д
   ды пурназь валмеревкстнэ – теке кеместэ чавнозь эскеть.
   Сынь весе вейке стадаваныцянь*е пельде.

12Теде башка, цёрам:
   пельть ладсемс ламо книгат – пе а ули,
   ламо тонавтнемаськак налкставттанзат-сизевттянзат.

13Ней, зярдо уш весемесь ёвтазь-марязь,
   оно кодамо весементь смустезэ:
   пельть Паздонть ды топавтт Сонзэ кармавтовксонзо.
   Те весе, мезе вешеви ломаненть пельде.
14Эдь Пазось эрьва тевенть ветясы судс –
   мик весе салаванть-кекшезенть,
   улезэ сон паро эли берянь.

*а 12.3 Тесэ аллегориятнень вельде ёвтневи сыречинь лавшочиде: кудонь-паронь ванстыцятне – кедть, виев цёраломантне – пильгеть, яжавтыця тейтерьаватне – пейть, вальмава ваныцятне – сельметь.

*б 12.4 Тесэ кортави лавшо удомадонть ды пилетнень потомомадонть: кенкштне – пилеть, чатьмонезевить морыцятне – энгамить морамонь-седямонь гайттне.

*в 12.5 Миндалень ашо панжовкстнэ – шержей черть, стакалгадозь тастась – сыречинь акапшавомачись. Каперсэнь виень маштомась – сыредезь ломаненть ярсамс-вечкенемс мелень арасьчись.

*г 12.6 Синод. ютавтовкссонть: эзь раздеве сырнень сюлгамось.

*д 12.11 жагала – пшти сялго, конасонть пансить ракшат.

*е 12.11 Стадаваныця валось тесэ ёвтазь эли Паздонть, кода Израилень Стадаваныцядонть, или Соломон инязородонть, кода покш превейчинтень тонавтыцядонть.

 Глава 12