Выбрать язык
Книги Ветхого Завета
Книги Нового Завета
с русским текстом1Ионанень омбоцеде ульнесь Инешкипазонть валозо:2«Нейке сыргак, мольть Ниневияв, ине ошонтень, ды весень икеле кортак тосо сень, мезе Мон мерян теть».
3Иона сыргась ды мольсь Ниневияв, кода кармавтсь Инешкипазось. Ниневиясь ульнесь Пазонтень вечкевикс покштояк покш ош, пестэ пев колмо чинь перть ютавишка.4Иона ушодсь якамо ошканть, зяро ютавиль вейке чинь перть, ды весенень марямга яволявтнесь: «Ютыть ниленьгемень чить, ды Ниневиясь ули калавтозь!»5Ниневиянь эрицятне сеске кемезевсть Пазонь валонтень. Сынь яволявтсть пост ды вейкень пес – сюпавсто саезь кажовсто эрицяс – янксемаст невтемга лангаст каясть ризнэмань кескавкоцт.*а
6Зярдо те кулясь пачкодсь Ниневиянь инязоронть видьс, сон стясь инеэземензэ лангсто, каинзе инязоронь оршамопелензэ, каясь ланганзо кескавкоцт ды озась кулов лангс.7Сон кармавтсь яволявтомс Ниневиянь инязоронть ды чинязтнэнь пельде весень туртов оно мезе: «Кадык а ломантне, а кудоютконь ракшатне мездеяк а ярсыть, а якить паксяв пекест пештямо ды ведтеяк а симить.8Ломантнеяк, ракшатнеяк улест вельтязь кескавкоцтсо. Кадык весе ломантне весе вийсэст, весе седейсэст ознозь тердить Пазонть. Ды кадык эрьвась кадсынзе эсензэ зыянов кинзэ ды апаро тевензэ.9Кие соды, паряк, Пазось оштё чевтеми – велявтсы эйстэнек гувныця виев кежензэ ды минь а ультяно маштозь».
10Пазось алкукс неинзе сынст тевест, зыянов кинть эйстэ туемаст. Пазонть седеезэ чевтемсь, ды Сон эзизе кучо лангозост анокстазь тенст кажонть, конадонть кортась.
*а 3.5 кескавкоцт – мешковина.
Глава 3