Библия
Выбрать язык
Книги Ветхого Завета
Книги Нового Завета
с русским текстом
PSALTIRI
6 Psalmu
1 Pajojoukon ohjuajale. Soitetah kaheksakielizel soittimel. Davidan psalmu.2 Ižändy, älä čakkua minuu vihas olles,
älä tavas lyö minuu!
3 Ole minule armolline, Ižändy,
gu minä olen väitöi.
Paranda minuu, Ižändy,
tusku poltau minun luuloi,
4 i minun syväin särähtih.
Ižändy, viego hätken vuottua?
5 Kačahtai minuh päi, Ižändy,
da piästä minun hengi,
piästä minuu Sinun hyvyön täh!
6 Eihäi kuoltuu niken musta Sinuu,
eihäi tuonilmazis niken kiitä Sinuu.
7 Hengähtyksil minä väzytän iččie,
joga yödy minun magavosija on itkus märgy,
pielus pesty kyynälil.
8 Minun silmät pahua mieldy odva nähtäh,
vihaniekkoin täh minä pahoi näin.
9 Vältykkiä minus kai zakonanrikkojat!
Ižändy kuulou minun itkun iänen.
10 Ižändy kuulou minun pokoroičendan,
kalduau korvan minun malittuh.
11 Kai minun vihaniekat puututah huigieh,
da suuri varavo valduau heidy.
Huigien vallas hyö kerras juostah pagoh.
Глава 6
