Библия
Выбрать язык
Книги Ветхого Завета
Книги Нового Завета
с русским текстом
PSALTIRI
7 Psalmu
1 Davidan voiveroituspajo, kuduan häi pajatti Ižändäle Veniaminan rovun Husan paginois.2 Ižändy, Jumalazeni, Sinuh minä hengästelemmös.
Piästä minuu kaikis minun ajajis,
avvuta minuu,
3 eiga vihamies revittelöy minuu kui leijon,
tembua minuu sualehekse,
i niken ei voi piästiä da pellastua
*а minuu.
4 Ižändy, Jumalazeni, gu ollen viäry,
gu pahat ruavot liennöy lähtietty minun käzis,
5 gu liennen maksanuh pahal minunke sovusolijoile,
gu liennen luadinuh midä pahua sille,
ken viäryöttäh rodih minun vihaniekakse,
6 anna sit vihaniekku ajau minuu jälles,
anna tabuau, polgou muah minun elaijan
da pollettelou ligah minun kunnivon.
7 Ižändy, ozuta Oma viha!
Nouze, azeta minun vihaniekkoin taba!
Havaču, Ižändy! Minun suudo on Sinun käzis.
8 Rahvasjoukot ollah Sinus ymbäri.
Nouze Sinä korgevuksih heijän piäle!
9 Ižändy, Sinä suudit kaikkie rahvastu.
Suudi minuugi minun oigevuttu
da vijattomuttu myö.
10 Lope jumalattomien pahus,
a oigeimielisty lujenda,
Sinä oigeimieline Jumal,
Sinä, kudai opit kaikkien syväimet dai mielet.
11 Jumal on minun suojusraudu,
Häi piästäy toveleläjii.
12 Jumal on oigeimieline sud՚d՚u, luja da tirpačču.
Häi kovah suudiu joga päiviä niidy,
13 ket ei kiännytä riähkis.
Häi hivou Oman miekan,
vedäy jouhen da tiähtiäy sen.
14 Häi luadiu toravehkehen tappajakse,
piilin poltajakse.
15 Vihaniekku haudou pahoi mielii,
kandau vačas vihua da suau kielastuksen.
16 Häi kaivau havvan, luadiu sen syväkse,
ga iče langieu haudah, kudaman luadi.
17 Hänen viha kiändyy händy iččie vastah,
hänen vägivaldazet ruavot tullah hänen piäle.
18 Minä kiitän Ižändiä Hänen oigielois mielilöis,
minä pajatan ylendyspajon Ižändän, Ylimäzen, nimele.
*а 3 7:3 Pellastua on vahnu karjalaine sana. Se merkiččöy ‘piästiä’.
Глава 7
