Выбрать язык
Книги Ветхого Завета
Книги Нового Завета
с русским текстом1 Господь Моисейлан каласен:2 «Израиль калыклан ойло: ончыза, Мыланем надыр-влакым – Мылам келшыше тамлыпушан пӧлекым – шке жапыштыже конден шогыза.
3 Каласе нунылан: теве Господьлан пуышаш надыр – кажне кечын те йӱлалтен пуымо надыр шотеш экшыкдыме икияш кок пачам кондышаш улыда.4 Ик пачажым эрдене, вес пачажым кастене кондыза.5 Эше кинде надырлан ефан луымшо ужашыже наре эн сай ложашым кондыза, тудо кид дене темден лукмо чырык гин олив ӱй дене йӧрымӧ лийже.6 Тиде – эре конден шогымо йӱлалтен пуымо надыр, тудым Господьлан келшыше тамлыпушан надыр шотеш Синай курык воктене кондаш тӱҥалыныт.7 Тудын дене пырля эше йошкар арака надырым кондыза: кажне пачалан – чырык гиным. Йошкар арака надырым Господьлан святой верыште йоктарыза.8 Кокымшо пачажым кастене кондыза. Тудым эрденысе гаяк кинде надыр да йошкар арака надыр дене пырля Господьлан келшыше тамлыпушан надыр шотеш пуыза.
9 Шуматкечын экшыкдыме икияш кок пачам да кинде надырлан ефан кок луымшо ужашыже эн сай ложашым, олив ӱй дене йӧрымым, да тудын пелен йошкар арака надырым кондыза.10 Тиде – кажне шуматкечын йӱлалтен пуымо надыр. Тудым эре конден шогымо йӱлалтен пуымо надыр ден тудын пелен кондымо йошкар арака надыр деке ешарен пуыман.
11 У тылзе годым Господьлан йӱлалтен пуымо надырым кондыза: кок самырык ӱшкыжым, ик тагам да икияш шым пачам. Нуно экшыкдыме лийшаш улыт.12 Кажне вольык дене пырля кинде надыр шотеш эн сай ложашым, олив ӱй дене йӧрымым, кондыза: кажне ӱшкыжлан – ефан кум луымшо ужашыжым, тагалан – кок луымшо ужашыжым13 да кажне пачалан – ефан ик луымшо ужашыжым. Тиде – Господьлан келшыше йӱлалтен пуымо тамлыпушан надыр.14 Нунын пелен йошкар арака надыр лийшаш: кажне ӱшкыжлан – пел гин, тагалан – гинын ик кумшо ужашыже да пачалан – гинын ик нылымше ужашыже. Тыгай йӱлалтен пуымо надырым кажне у тылзе годым ий мучко конден шогыман.15 Эре конден шогымо йӱлалтен пуымо надыр деч посна Господьлан тыгак сулык верч надыр шотеш ик казатагам да тудын дене пырля йошкар арака надырым кондыман.
16 Икымше тылзын латнылымше кечынже Господьын Кугечыже лиеш.17 Тиде тылзын латвизымше кечыжат пайрем кече лиеш. Шым кече шергиндым кочса.18 Икымше кечынже святой погынымашым эртарыза. Нимогай пашам ида ыште.19 Господьлан надыр шотеш кок самырык ӱшкыжым, ик тагам да икияш шым пачам йӱлалтен пуыза. Нунын нимогай экшыкышт лийшаш огыл.20 Нунын дене пырля кинде надырлан олив ӱй дене йӧрымӧ эн сай ложашым кондыза: кажне ӱшкыжлан – ефан кум луымшо ужашыжым, тагалан – кок луымшо ужашым,21 кажне шым пачалан – ефан ик луымшо ужашыжым.22 Касарыме йӱлам шукташ манын, тыгак сулык верч надырлан ик казатагам кондыза.23 Чыла тиде надырым кажне эрдене йӱлалтен пуымо надыр деке ешарен пуыза.24 Нине надырым шым кече конден шогыза. Тиде – надыр шотеш кондымо кочкыш, Господьлан келшыше тамлыпушан пӧлек. Нуным эре конден шогымо йӱлалтен пуымо надыр да тудын пелен кондымо йошкар арака надыр деке ешарен пуыман.25 А шымше кечын святой погынымашым эртарыза, нимогай пашам ида ыште.
26 Икымше саскам кондымо кечын, кунам шурно лектышын икымше саскаж гыч Господьлан кинде надырым кондеда – тидыже Арня пайрем лиеш, – святой погынымашым эртарыза, нимогай пашам ида ыште.27 Господьлан келшыше йӱлалтен пуымо тамлыпушан надыр шотеш [экшыкдыме] кок самырык ӱшкыжым, ик тагам, икияш шым пачам кондыза.28 Нунын дене пырля кинде надырлан олив ӱй дене йӧрымӧ эн сай ложашым кондыза: кажне ӱшкыжлан – ефан кум луымшо ужашыжым, тагалан – кок луымшо ужашым,29 кажне шым пачалан – ефан ик луымшо ужашыжым.30 Касарыме йӱлам шукташ манын, тыгак [сулык верч надырлан] ик казатагам кондыза.31 Эре конден шогымо йӱлалтен пуымо надыр да кинде надыр деке ешарен, чыла тидым [Мыланем] кондыза, нунын пелен йошкар арака надыр лийже. Надыр вольык-влак экшык деч посна лийшаш улыт.
Глава 28