Выбрать язык
Книги Ветхого Завета
Книги Нового Завета
с русским текстом1 Господьын тудлан чыла мом кӱштымыжым Моисей израиль эрге-влаклан каласен.
2 Моисей израиль калыкын тукымвуйжо-влаклан каласен: «Теве мом Господь кӱштен:3 кӧ Господьлан иктаж-мом сӧра але товатмутым пуа гын, тек тудо шке мутшым куча – каласымыжым чыла шукта.4 Самырык ӱдыр шке ачажын пӧртыштыжӧ илымыж годымак Господьлан иктаж-мом сӧрен але товатмутым пуэн гын,5 да тудын сӧрымыжӧ але товатмутым пуымыж нерген ачаже пален налын да нимат каласен огыл гын, тек ӱдыр шке сӧрымыжым але товатмутшым шукта.6 Но, ӱдыржын сӧрымыж нерген пален налмеке, ачаже тидым ышташ чара гын, тунам ты ӱдыр шке сӧрымыжӧ але товатмутшо деч эрыкан лиеш: тудым ачаже чарен, садлан Господь ӱдырым титаканлан ок шотло.
7 Господьлан сӧрымашым пуышо але сайын шоналтыде пуымо мут дене шкенжым кылдыше ӱдыр варажым марлан лектеш,8 да сӧрымыж нерген тудын марийже пален налеш да нимат ок каласе гын, тунам ӱдырамаш мом сӧрымыжым але товатмутшым шуктышаш.9 Но, ватыжын сӧрымыж нерген пален налмеке, марийже тидым ышташ чара гын, [тунам ватыже шке сӧрымыжӧ але товатмутшо деч эрыкан лиеш: тудым марийже чарен,] Господь тиде ӱдырамашым титаканлан ок шотло.
10 А тулык вате але ойырен колтымо ӱдырамаш мом сӧрымыжым але товатмутшым шуктышаш.
11 Марийжын пӧртыштӧ илыше ӱдырамаш Господьлан иктаж-мом сӧра але товатмутым пуа,12 да марийже, тидын нерген колмеке, нимат ок каласе да тидым ышташ ок чаре гын, тек ӱдырамаш шке сӧрымыжым але товатмутшым шукта.13 Но, сӧрымӧ нерген колмеке, марийже тидым ышташ чара гын, тунам ватыже шке сӧрымыжӧ але товатмутшо деч эрыкан лиеш. Тиде сӧрымыжым марийже шӧрен, сандене Господь тудым титаканлан ок шотло.14 Ватыжын кеч-могай сӧрымыжым але шкенжым ӱҥышемдаш пуымо товатмутшым марийже пеҥгыдемден але шӧрен кертеш.15 Ик кече жапыште марийже тидын шотышто нимом ок каласе гын, тудо ватыжын чыла сӧрымӧ ден товатмутшым пеҥгыдемда – вет тудо, чыла тидым пален налмеке, нимом каласен огыл.16 Но марийже икмыняр жап эртымеке гына тидым ышташ чара гын, тунам ватыжын титакше тудын ӱмбаке возеш».
17 Марий ден ватыже, тыгак ачаже да тудын пӧртыштӧ илыше самырык ӱдыржӧ шотышто теве тыгай пунчал-влакым Господь Моисейлан пуэн.
Глава 30