Выбрать язык
Книги Ветхого Завета
Книги Нового Завета
с русским текстом1 Но пророк Аггей ден пророк Захарий, Адда эрге, Иуда мландыште да Иерусалимыште улшо иудей-влаклан нуным виктарен шогышо Израиль Юмын лӱмжӧ дене пророк шомакым ойленыт.2 Тунам Зоровавель, Салафиил эрге, да Иисус, Иоседек эрге, Иерусалимыште Юмын пӧртым умбакыже чоҥаш пижыныт. Юмын пророкшо-влак нунылан полшен шогеныт.
3 Нунын дек Фафнай, эҥер вес вел кундемтӧра, Шефар-Бознай да йолташышт толыныт да йодыныт: «Кӧ тыланда тиде пӧртым чоҥаш, тудын пырдыжшым нӧлташ эрыкым пуэн?»4 Эше рашемден йодыныт: «Тиде пӧртым чоҥышо-влакын кузе лӱмышт?»5 Но Юмо иудей-шамычын кугуракышт велне лийын: тиде паша шотышто Дарий дек колтымо увер деч вара вашмут толмешке, чоҥымым чарен огытыл.
6 Эҥер вес вел кундемтӧра Фафнайын, Шефар-Бознайын да ты кундемысе тӧра йолташышт-влакын Дарий кугыжалан колтымо серышыште теве мом возымо улмаш.7 Тушто ойлалтын: «Дарий кугыжалан. Чыла шотыштат тыныс лийже!8 Тек кугыжа пала: ме иудей кундемыш, кугу Юмын пӧртшӧ деке миен улына. Тудым кугу кӱ дене нӧлтат, пырдыжлам оҥа дене леведыт. Паша воранен толеш, чылажат писын ышталтеш.9 Ме кугуракышт дене кутырышна да йодна: ”Кӧ тыланда тиде пӧртым чоҥаш да пырдыжым нӧлташ эрыкым пуэн?”10 Тылат вуйлатыше-влакын лӱмыштым каласаш манын, ме нунын деч тидымат рашемдышна да возен нална.11 Нуно мыланна теве могай вашмутым пуышт: ”Ме кава ден мландын Юмыжын тарзыже улына да шуко ий ончыч чоҥымо пӧртым угыч нӧлтена. Тудым Израильын лӱмлӧ кугыжаже чоҥен да тиде пашам мучашке шуктен.12 Кунам кугезына-влак кавасе Юмым шыдештареныт, Тудо нуным Вавилон кугыжан, халдей Навуходоносорын, кидышкыже пуэн. Тудыжо тиде пӧртым шалатен, калыкым Вавилоныш наҥгаен.13 Но Вавилон кугыжа Кир икымше ий вуйлатымыж годым тиде Юмын пӧртым угыч чоҥаш кӱштен.14 Вавилонысо храм гыч тудо Юмын пӧртыштӧ лийше шӧртньӧ ден ший ате-ӱзгарым луктын да кундемтӧралан шогалтыме Шешбацар лӱман пӧръеҥлан пуэн. Нине ате-ӱзгарым Иерусалимысе храм гыч Навуходоносор луктын да Вавилонысо храмыш наҥгаен улмаш.15 Кир кугыжа Шешбацарлан каласен: ’Нине ате-ӱзгарым нал да Иерусалимысе храмыш наҥгай, тек Юмын пӧрт ончычсо олмыштыжо угыч чоҥымо лиеш’.16 Тунам Шешбацар толын да Иерусалимысе Юмын пӧртлан негызым пыштен. Тудо кече гыч тӱҥалын, тиде пӧрт чоҥалтеш, но паша эше мучашлалтын огыл”.17 Кугыжа тидын дене келша гын, тек Вавилонышто, кугыжан кагазым аралыме верыште, кычалыт – Кир кугыжа Иерусалимыште тиде Юмын пӧртым чынжымак угыч чоҥаш кӱштен мо? Да тек кугыжа тиде паша шотышто шке пунчалжым увертара».
Глава 5