Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
1 Псалом
Давидын псаломжо.1 Пиалан тудо еҥ,
кӧ осал еҥ-влакын каҥашышт почеш ок ыште,
сулыкан-шамычын корнышт дене ок кай
да мыскылен воштылшо-влакын погынымаштышт ок шинче,
2 но Господьын законжылан куана,
тудын нерген йӱд-кече шонкала!
3 Тудо вӱдйогын воктене шындыме пушеҥге гай лиеш:
шке жапыштыже саскам конда,
лышташыжат ок лывыжге,
кеч-мом ышта – чылажат воранен толеш.
4 Осал еҥ-влак дене тыге ок лий –
нуно [мландымбач] мардеж дене пуал нӧлталме арва гай улыт.
5 Осал еҥ-влак Юмын судышто шоген огыт керт,
сулыкан-шамыч – чын ыштыше-влакын погынымаштышт.
6 Вет чын ыштыше-влакын корныштым Господь вӱда,
а осал еҥ-влакын корнышт пытымашке наҥгая.
Глава 1
