Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
2 Псалом
Давидын псаломжо.1 Молан калык-влак лӱшкат,
тукым-шамыч кӱлдымӧ ойым пидыт?
2 Тӱнясе кугыжа-влак кынелыт,
тӧра-шамыч, пырля погынен,
Господь да Тудын Шӱрен Палемдымыж ваштареш каҥашат:
3 «Мыланна чиктыме кепшылыштым шалатена,
шинчырыштым кӱрлына».
4 Пылпомышто Илыше тидлан воштылеш,
Господь нуным мыскылтышыш луктеш.
5 Тунам Тудо сырымыж дене нунылан каласа,
шке шыдыж дене пеш чот лӱдыкта:
6 «Мый Сионышто, святой курыкыштем,
шке Кугыжамым шогалтенам».
7 Господьын пунчалжым увертарем:
«Мылам Тудо каласен:
Тый Мыйын Эргым улат,
Мый таче Тыйым шочыктенам.
8 Йод Мый дечем –
Мый тылат калык-влакым пуэм,
мланде тӱр марте озаланаш тӱҥалат.
9 Тый нуным кӱртньӧ тоя дене пытарет,
шун кӧршӧкым пудыртымо семын шалатет».
10 Тыгеракын, ушым шындыза, кугыжа-влак,
тунемза, мландысе тӧра-влак!
11 Господь деч лӱдын, Тудлан служитлыза,
[Тудын ончылныжо] чытырен куаныза.
12 Кугун пагален, Эргым шупшалза –
тунам Господь ок шыдешке,
да коштмо корныштыда те огыда коло,
вет Тудын шыдыже ик татыште ылыжеш.
Тудын полышыжлан инаныше-влак улыт пиалан!
Глава 2
