Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
3 Псалом
1 Давидын Авессалом эргыж деч куржмыж годым возымо псаломжо.2 Господь, тушманем-влак мыняр шукын улыт!
Шукын мыйын ваштареш шогалыт,
3 шукын мыйын нергенем ойлат:
«Юмо тудым ок утаре».
4 Но Тый, Господь, мыйын авыртышем да чапем улат,
вуем Тый кӱшкӧ нӧлталат.
5 Кугу йӱкын мый Господьым ӱжам,
Тудо мыланем святой курыкшо гыч вашешта.
6 Малаш возам мый, малем да кынелам,
вет мыйым Господь арала.
7 Ом лӱд еҥ-влак деч, кеч тӱжем дене лийышт
да мыйым чыла могырым авырышт.
8 Господь, кынел! Юмем, мыйым утаре!
Тушманем-влакым Тый шӱргышт гыч перет,
осал еҥ-влакын пӱйыштым шалатет.
9 Утарымаш – Господь дечын.
Тыйын суапландарымашет – шке калыкет ӱмбалне.
Тау
Глава 3
