Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
109 Псалом
Давидын псаломжо.1 Господь мыйын Господемлан каласен:
тушманет-влакым йол йымакет пыштымешкем,
пурла велыштем шинче.
2 Господь Тылат Сион гыч кучемвий тоям кучыкта,
тушман-влакет коклаште озалане!
3 Вий-куатетым ончыктымо кечын
Тыйын калыкет шке святой сӧраллыкше дене
Тыйын почешет каяш ямде.
Эр ӱжара гыч лекше лупс семын Мый Тыйым шочыктенам.
*а4 Господь товатлен да тидлан ок ӧкынӧ:
«Мелхиседекын иерей радамже дене Тый курымашлык иерей улат».
5 Господь Тыйын пурла могырыштет.
Шыде кечынже Тудо кугыжа-влакым пытара,
6 калык-шамычлан судым ышта,
колышо кап дене мландым тема,
мландымбалне чыла вере вуй-влакым шалата.
7 Тудо корно воктенысе вӱдйогын гыч йӱэш
да вуйжым кӱшкӧ нӧлталеш.
*а 109:3 Еврей текстыште тыште мом возымым умылаш неле.
Глава 109
