Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
80 Псалом
1 Хор вуйлатышылан. Гефысе семӱзгар дене. Асафын псаломжо.2 Юмо – мемнан вий-куатна, Тудлан куанен мурыза!
Иаковын Юмыжлан йывыртен кычкыралза!
3 Мурыза псаломым, шоктыза тимпаным,
мотор йӱкан кӱсле ден арфым,
4 у тылзе годым пучым пуалтыза,
пайремна кечын, тичмаш тылзе годым пуалтыза.
5 Тыгай Израильлан кӱштымаш,
Иаковын Юмыжо тыге ышташ шӱден.
6 Тидым Тудо Иосифлан сугыньлен,
кунам тудыжо Египет гыч лектын.
Тушто мый палыдыме йылме дене ойлымым кольым:
7 «Тупшо гыч нумалтышым Мый кораҥденам,
кидыштым комдым нумалме деч утаренам.
8 Орлык годым тый Мыйым ӱжынат – Мый утаренам,
кӱдырчан пыл кокла гыч тылат вашештенам,
Мерива вӱд воктене тыйым тергенам.
9 Колышт, калыкем, Мыйын шижтарыме мутем!
Эх, колыштат ыле гын Мыйым, Израиль!
10 Тек вес юмо тыйын ок лий,
йот юмылан вуетым ит саве.
11 Мый Господь, тыйым Египет гыч лукшо Юмет улам,
умшатым поч – Мый тыйым теммеш пукшем.
12 Но калыкем Мыйым колыштын огыл,
мутем Израиль шуктен огыл.
13 Мый нуным вустыкымак коденам –
тек шке шонымышт почеш илат.
14 Эх, колыштеш ыле гын Мыйым калыкем,
коштеш ыле гын Израиль Мыйын корнем дене!
15 Мый нунын тушманыштым вашке колыштарем ыле,
шыгыремдылшышт ӱмбак кидем нӧлталам ыле.
16 Мыйым ужмышудымо-влак, ӱҥышыла койын,
Мылам келшаш тӧчат ыле,
курымеш нуно орланат ыле.
17 А шке калыкемлан пукшем ыле эн сай шыдаҥым,
теммеш пукшем ыле кӱ курыкысо мӱйым».
Тау
Глава 80
