Выбрать язык
Книги Ветхого Завета
Книги Нового Завета
с русским текстом1 Шуматкече эртымеке, Иисусын капшым шӱраш каяш манын, Мария Магдалина, Иаковын Мария аваже да Саломия тамле пушан ӱйым оксала налыныт.2 Шуматкече эрлашын, эрдене эрак, кече лекме годым, нуно шӱгар деке каеныт.3 Шке коклаштышт кутыреныт: «Мыланна шӱгар аҥ гыч кӱм кӧ кораҥда?»
4 Ончалыныт да ужыныт: кӱм ӧрдыжкӧ кораҥдыме. Тудо пеш кугу улмаш.5 Нуно кӧргышкӧ пуреныт, тушто пурла могырышто шинчыше ош вургеман рвезым ужыныт да чот лӱдыныт.6 Но тудо нунылан ойлен: «Ида лӱд. Те ыресеш пудален сакыме Назарет Иисусым кычалыда. Тудо ылыж кынелын, тыште уке. Теве Тудым пыштыме вер.7 А ынде кайыза да Тудын тунемшыж-влаклан да Петрлан тыге каласыза: ”Тудо тендам Галилейыште вашлиеш. Кузе тыланда ойлен, тушто Тудым ужыда”».
8 Ӱдырамаш-влак лектыныт да шӱгар деч куржыныт. Нуным лӱдмаш авалтен, да лӱдын чытыреныт. Нуно лӱдмышт дене нигӧлан нимом ойлен огытыл.
9 Шуматкече эрлашын эрден эрак ылыж кынелмекше, Иисус эн ондак Мария Магдалиналан кончен. Иисус тудын кӧргыж гыч шым иям поктен луктын улмаш.10 Мария Магдалина каен да Иисус дене пырля лийше, Тудын верч ойгырышо да шортшо-влаклан тидын нерген увертарен.11 Иисус ила да Тудым Мария ужын манмым кунам колыныт, ӱшанен огытыл.
12 Вара Иисус нунын кокла гыч коктыштлан ялыш кайымышт годым вес сын дене кончен.13 Нине кок еҥ пӧртылыныт да молыштлан каласкаленыт, но нуныланат ӱшанен огытыл.
14 Вараракше Иисус латик тунемшыжлан кочмышт годым кончен. Тудо ӱшаныдымыштлан да кӱэмалтше шӱман улмыштлан нуным шылтален ойлен. Вет нуно Тудым ылыж кынелшым ужшо еҥ-влаклан ӱшанен огытыл.15 Нунылан каласен: «Тӱня мучко кайыза да Юмын ыштыме уло тӱнялан Поро Уверым каласкалыза.16 Кӧ Поро Уверлан ӱшана да тынеш пура – утаралтеш, но кӧ ок ӱшане – судитлалтеш.17 Ӱшаныше-влак пелен тыгай палдарыше пале-влак лийыт: Мыйын лӱмем дене нуно иям поктен лукташ тӱҥалыт, у йылме дене кутыраш тӱҥалыт.18 Нуно кидышкышт кишкым налын кертыт, да колымашым кондышо иктаж-мом йӱыт гын, тиде нунылан эҥгекым ок ыште. Кидыштым черле ӱмбаке пыштат, да нунышт паремыт».
19 Господь, нунылан тидым ойлымеке, пылпомышко нӧлталтын*а да Юмын пурла велышкыже шинчын.20 Тудын тунемшыж-влак каеныт да чыла вере увертарен туныктеныт. Господь нунын дене пырля ыштен да тӱрлӧ палдарыше пале дене шомакым пеҥгыдемден. Аминь.
*а 16:19 «Нӧлталтын» – грекла возымаште тыште да моло тугаяк верлаште «налалтын».
Глава 16