Выбрать язык
Книги Ветхого Завета
Книги Нового Завета
с русским текстом1 Мый тыге шонен пыштенам: тендан деке адак ойго дене ом мий.2 Мый тендам ойгандарем гын, кӧ мыйым куандара? Тудак огыл мо, кӧм мый ойгандаренам?3 Кӧмыт верч мылам куанаш кӱлеш, толмекем, нунын деч ойгым налаш огыл манын, мый тыге тыланда возенам. Мыйын куанем тенданат куанда манын, чылаланда ӱшанем.4 Кугу нелылык да шыгыремдыме шӱм дене мый, шуко шинчавӱдым йоктарен, тыланда возенам. Мый тендам ойгандараш возен омыл, а тендам уло чон дене йӧратымем умылыза манын шоненам.
5 А кӧ ойгандарен гын, мыйым огыл ойгандарен, кунар гынат – утыждене шуко ынем каласе – тендам чыландам ойгандарен.6 Тыгай еҥлан тендан кокла гыч шукыштын мут кучыктымышт сита,7 тугеже, пеш кугу ойго тудым ынже авалте манын, ынде титакшым кудалташ да лыпландараш кӱлеш.8 Сандене йодам: угычын тудым йӧратен илыза.9 Тендам тергаш да те чыла шотыштат мут колыштшо улыда мо манын палашак мый тыланда возенам.10 А те кӧн титакшым кудалтеда гын, тудыным мыят кудалтем. Мыят мом кудалтенам – кудалташ иктаж-мо лийын гын – тудым Христосын лӱмжӧ дене тыланда кӧра кудалтенам.11 Сатана мемнам ондален ынже сеҥе манын, мый тыге ыштем, вет тудын осал шонымыжо мыланна палыдыме огыл.
12 Троадаш Христосын Поро Увержым каласкалаш толмекем, мылам Господь пашамлан омсам почын улмаш гынат,13 кӧргӧ шӱлышем лыпланен кертын огыл, вет мый Тит йолташемым муын омыл. Сандене тусо-влак дене чеверласенам да Македонийыш каенам.
14 Христос дене ушнымаште мемнам сеҥымаш дене эре наҥгайыше да чыла вере Христосым палымашын тамле пушыжым мемнан гоч шарыше Юмылан тау!15 Вет утарымашке кайыше-влакланат, пытымашке кайыше-влакланат ме Христосын тамле пушыжо улына:16 иктыштлан колымашым кондышо колымаш ӱпш улына, весыштлан – илышым кондышо илыш ӱпш. Кӧ тыгай пашалан йӧра?17 Шуко еҥ семын ме Юмын шомакшым огына ужалкале, а Юмо деч налме шомакым Юмын ончылно Христос дене ушнен яндар шонымаш дене ойлена.
Глава 2