Выбрать язык
Книги Ветхого Завета
Книги Нового Завета
с русским текстом1 Тыгеракын, Юмын порылыкшо дене тыгай служитлыме пашана уло гын, ме вуйнам огына саке.2 Ме намысле шолып пашам кораҥденна, ондален огына ыште, Юмын шомакшым огына вашталтыл, а чыным почын увертарена да чын улмынам чыла еҥын совестьыштлан Юмын ончылно ончыктена.3 А мемнан каласкалыме Поро Уверна шылтыме гын, пытымашке кайышашлык-влак деч веле шылтыме.4 Нине ӱшаныдыме-влакын ушыштым тиде курымысо юмо сокырым ыштен. Тыгеракын, Христосын чапше нерген каласкалыше Поро Уверын волгыдыжо нунылан ок йолгалт. Христосшо – [ужаш лийдыме] Юмын тӱсшӧ.5 Вет ме шкенан нерген огыл увертарена, мемнан уверна теве могай: Христос Иисус – Господь, да Иисуслан кӧра ме тендан тарзыда улына.6 Пычкемыш гыч волгыдылан йолгалташ кӱштышӧ Юмо шӱмышкына волгыдым пуэн. Тыге Юмын чапшым – Иисус Христосын чурийже гоч йолгалтше чапшым – палымаш мемнам волгалтара.
7 Тиде поянлык мемнан шун атыште уло: тиде кӱдыратле куат мемнан деч огыл, а Юмо деч лектеш манын, еҥ-влак ужшаш улыт.8 Мемнам чыла могырым шыгыремдат, но ме шыгыремдыме огынал, ӱшаннам йомдарымыла коеш, но ӱшаным огына йомдаре.9 Мемнам поктылыт, но кудалтен кодымо огынал, мемнам сӱмырал шуат, но пытарыме огынал.10 Мемнан капыштына Иисусын илышыжат палдырныже манын, ме капыштына Господь Иисусын колымашыжым эре нумалына.11 Вет ме, илыше-влак, Иисуслан кӧра эре колымашлан пуымо улына, тыге Иисусын илышыжат мемнан колышаш капыштына палдырна.12 Тугеже мемнан коклаште колымаш ышта, а тендан коклаште – илыш.13 Мемнан тугай ӱшан шӱлыш уло, могайже нерген возымо: «Мый ӱшаненам, садлан ойленам».*а Тугак меат ӱшанена, сандене ойлена.14 Палена: Господь Иисусым колымаш гыч Ылыжтыше мемнамат Иисус гоч ылыжта да тендан пелен Шке ончыланже шогалта.15 Чыла тиде тыланда кӧра ышталтеш, тыгеракын, Юмын порылыкшо эше шукырак еҥ деке шуэш, да тауштымаш, Юмын чапшым нӧлтен, шукемеш.
16 Тыгеже ме вуйнам огына саке. Мемнан «тӱжвал айдемына» лунчырген пыта гынат, «кӧргӧ айдемына» кече гыч кечыш уэмеш.17 Тиде кӱчык да куштылго орланымашна мыланна курымашлык чапым висаш лийдымын моткоч шуко конда.18 Ме шинчалан койшыш огыл, а койдымыш шинчанам нӧлталына, вет шинчалан койшо кӱчык жаплан веле, а койдымо – курымашлык.
Глава 4