Выбрать язык
Книги Ветхого Завета
Книги Нового Завета
с русским текстом1 Юмо дене пырля ыштыше улынат, ме тендам сӧрвалена: Юмын порылыкшым налмыда арам ынже лий.2 Вет Юмо каласа:
«Келшыше пагыт годым Мый тыйым колынам,
утарыме кечын тылат полшенам».*а
Теве ынде келшыше пагыт, теве ынде утарыме кече.
3 Служитлыме пашана шылталыме ынже лий манын, ме нигӧлан да нимо шотышто шӱртньымӧ кӱм огына пыште.4-5 Чыла годымат шкенам Юмын служитлышыже семын ончыктена: нелылыкыште, азапыште, шыгыремдылмаште, пызырналтмаште, кыралтмаште, казаматлаште, пудыранчыкыште, неле пашаште, шагал малымаште, пӱтым кучымаште,*б6 арулыкышто, шинчымашыште, шуко чытымаште, порылыкышто, Святой Шӱлышыштӧ, чын йӧратымаште,7 чын шомакыште, Юмын куатыште – ме чын ыштымын саргуралжым пурла да шола кидыште кучена –8 чапыште да намысыште, шылталымаште да моктымаште. Мемнам ондалышылан шотлат, но ме чын улына,9 палыдымылан шотлат, но мемнам палат, колышылан шотлат, но ме теве илена. Мемнам орландарат, но ме пуштмо огынал.10 Мемнам ойгандарат, а ме куаныше улына, ме йорло улына, но шукым пойдарена, мемнан нимона уке, но чылажат мемнан.
11 Коринфыште илыше-влак, ме тыланда чыла шотыштат тура ойлена, мемнан шӱмна тыланда кумдан почмо.12 Тыланда мемнан шӱмыштӧ шыгыр огыл, но шкендан шӱмыштыда шыгыр.13 Шкемын йочамлан ойлымо семын каласем: мыланна тугак пӧртылтыза, теат шӱмдам кумдам ыштыза!
14 Ӱшаныдыме-влак дене пырля йот омыташ ида кычкалт. Чын ыштымын да закондымылыкын мо иктеш лиеш? Волгыдо ден пычкемыш коклаште могай кыл уло?15 Христос ден Велиар коклаште могай икгайлык? Але ӱшаныше ден ӱшаныдыме коклаште мо иктеш лийын кертеш?16 Юмын храмже шояк юмо-влак дене кузе пырля лиеш? Те илыше Юмын храмже улыда. Юмо тыге ойлен:
«Мый нунын дене илаш
да коклаштышт кошташ тӱҥалам.
Нунын Юмышт лиям,
а нуно Мыйын калыкем лийыт».*в
17 Садлан
«Нунын кокла гыч лекса,
нунын деч ойырлыза, – Господь ойла. –
Ару огыл деке ида тӱкнӧ,
тунам тендам Шке декем налам».*г
18 «Тыланда Ача лиям,
а те Мыйын эргым да ӱдырем-влак лийыда», –
ойла Чылакучышо Господь.*е
*б 6:4-5 «Пӱтым кучымаште»: тидым «шужымаште» манынат умылаш лиеш.
*е 6:18 2 Куг 7:14, Ис 43:6, Иер 31:9.
Глава 6