Выбрать язык
Книги Ветхого Завета
Книги Нового Завета
с русским текстом1 Икте-весыдам иза-шольо семын ончыкыжат йӧратыза.2 Корныеҥ-влакым ончымым ида мондо, вет южышт, унам ончен, палыде Суксо-влакым унам ыштеныт.3 Казаматыш петырыме-влакым шарныза, пуйто нунын дене пырля теат петырымаште улыда. Орландарымым чытыше-влакым шарныза, пуйто теат капда дене орланеда.4 Тек мужыраҥмашым чылан пагалат, вате-марий вакшыш языкдыме лийже, вет яжарланышым да пелашыжым ондалышым Юмо судитла.5 Оксам йӧратыше ида лий, мо улыда дене серлагыза. Юмо Шке каласен: «Тыйым ом кодо, тыйым ом кудалте».*а6 Тугеже ме лӱдде ойлена: «Господь мыланем полшышо, ом лӱд, мом мыланем айдеме ыштен кертеш?»*б
7 Юмын шомакым тыланда увертарыше вуйлатышыда-влакым шарныза, илышыштым илен шуктымыштым ончыза, нунын ӱшанымышт семынак ӱшаныза.8 Иисус Христос теҥгечат, тачат, курым-курымешат икгай.9 Тӱрлӧ йот туныктымылан кумылдам савыраш ида пу, вет кочкыш дене огыл, а Юмын порылыкшо дене шӱмдан пеҥгыдеммыже сай. А кӧ мом кочкаш лийме верч тырша, тудлан пайда уке.10 Мемнан тугай жертвенникна уло, могайже гыч скинийыште служитлыше-влаклан кочкаш ок лий.11 Кунам архиерей язык верч вольык вӱрым святой дечат святой верыш пурта, вольыкын капшым илем деч ӧрдыжеш йӱлалтат.12 Сандене Иисусат, калыкым шке Вӱржӧ дене святитлаш манын, олан капкаж деч тӱжвалне орланен колен.13 Тыгеже Иисус деке илем деч ӧрдыжкӧ лекшаш да Тудын дене пырля мыскылалтмым чытышаш улына,14 вет эре лийшаш олана тыште уке, а ончыкылык олам кычалына.15 Тугеже, Иисус гоч ме Юмылан моктымаш надырым, вес семынже, Тудын лӱмжым чапландарыше йылмын саскажым, чарныде конден шогышаш улына.16 Тыгак порым ыштымым да икте-весылан полшымым ида мондо, тыгай надыр Юмылан келша.
17 Шкендан вуйлатышыда-влакым колыштса, нунылан ида торешлане, вет нуно, мутым кучышо семын, тендан чонда верч лым лийде тыршат. Мутыштым колыштыда гын, нуно тидым куанен ыштат, уке гын, кугун шӱлалтен ыштат, а тиде тыланда пайдале огыл.
18 Мемнан верч кумалза. Ме палена: мемнан совестьна ару да чыла шотыштат шкем чын кучаш шонена.19 Юмо мыйым тендан деке вашкерак пӧртылтыжӧ манын, мемнан верч кумалаш поснак йодам.
20 Господьна Иисус [Христосым], Курымашлык ойпидышын Вӱржӧ дене шорык-влакын кугу Кӱтӱчышт лийшым, колымаш гыч нӧлталше тыныслык Юмо21 тек тендам чыла тӱрлӧ поро пашалан ямдыла да тидын дене тендам шке шонымыжым шуктен кертшым ышта. Шке ончылныжо мо сай, тек тудым Иисус Христос гоч тендан кӧргыштӧ шочыкта. Тудлан курым-курымеш чап лийже! Аминь.
22 Иза-шольо-влак, тиде лыпландарыме шомакем налза манын йодам, вет тиде серышем кӱчык.23 Мемнан Тимофей изанам эрыкыш лукмым пален лийза. Тудо вашке толеш гын, мый тудын дене пырля тендам ужаш мием.
24 Шкендан чыла вуйлатышыланда да чыла святойлан саламым каласыза. Тыланда Италийысе-влак саламым колтат.25 Чыланда дене Юмын порылыкшо лийже. Аминь.
*а 13:5 Зак.уш 31:6.
Глава 13