Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Ташта Соткс»Содержаниесловарь1-я книга Моисеева. Бытие2-я книга Моисеева. ИсходПритчиИона

Книги Нового Завета Выбрать книгупро «Од Соткс»СодержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

МОИСЕЕНЬ ВАСЕНЦЕ КНИГАЦ

УШЕДОМАСЬ

Глава 15

Шкайсь ладяй соткс Аврамонь мархта

1Тяда меле Азорсь корхтась Аврамонди няйфксса*а, Сон мярьгсь: «Аврам, тят пеле. Мон тонь аралайцян. Тонь казнеце ули пяк оцю».2Аврам мярьгсь: «Шкай Азорозе! Мезе Тон максат тейне? Монь тянемс аш идне, и уликс-парозе ляды покодиезти Елиезеронди, кона Дамаскста».3Аврам тага мярьгсь: «Ватт, тон ашеть макса тейне юромонь поладыхть, сяс сембозе максови кудсон покодити».4И тейнза ульсь Азорть эзда вал: «Уликс-паронь сявикс кармай аф сон, но ся, кие шачи тонь эздот, ся сявсы уликс-пароцень».5Азорсь лихтезе сонь ушу и мярьгсь: «Варжакст менельть лангс и лувить тяшттнень, кда лувовихть». И мярьгсь тейнза: «Тняра ули уноконь-уноктот».6Аврам кемась*б Азорти, и тянкса Азорсь лувозе сонь видексшинь ломанькс.

7Азорсь мярьгсь Аврамонди: «Мон Азоран, Мон вятихтень тонь тяза Халдеень Урста, сяс мес Монь мялезе максомс тя модать тонь азорксшицень алу».8Аврам мярьгсь: «Шкай Азорозе! Коста мон содаса: тя модась ули монне?»9Азорсь мярьгсь тейнза: «Вятть Тейне колма кизонь ведраж, колма кизонь сява, колма кизонь боран, вирень гуляня и гулянянь лефкс».10Сон вятезень сембонь синь, керозень кафтова и путозень пялькснень фкя-фкянь каршес. Аньцек нармоттнень ашезень кера.11Шавф жувататнень лангс лийкстасть ловажада ярхцай нармотть, но Аврам панезень синь.

12Шить валгомста Аврамонь прафтозе кеме удома. И вага, сонь комачазе оцю пелема и туста шобда.13Азорсь мярьгсь: «Аврам, содак, тонь юромонь поладыхне кармайхть эряма аф эсь модасост, синь улихть ширде сафокс*в. Тоса синь улихть урекс и синь кармайхть люпштамост ниле сятт киза.14Но Мон судендаса ся ломаньтналть, конань кядьса синь улихть урекс, и меле синь лисихть тоста оцю уликс-пара мархта.15А тон сетьмошиса туят эсь атянь-атятненди, пяк сиреста улят калмаф.16Тонь эздот моли нилеце юромсь мрдай тяза, сяс мес аморрейхнень пежесна нинге ашезь пяшкоде ладяф ункстамать».17Мзярда шись валгсь и арась шобда, эста эвондасть пянакудонь качадома и валдоптомань толгяль, конат ётасть керф жувататнень ёткова.

18Ся шиня Азорсь тись Аврамонь мархта соткс и мярьгсь: «Тонь юромонь поладыхненди Мон максса тя модать, Египетонь ляйть эзда сявозь оцюдонга оцю Евфрат ляйть самс:19модать, коса эряйхть кенейхне, кенезейхне, кедмонейхне,20хеттейхне, ферезейхне, рефаипне,21аморрейхне, ханаанейхне, гергесейхне и иевусейхне».

*а 15:1 няйфкс – видение

*б 15:6 кемамс – верить; кемама – вера

*в 15:13 ширде саф – странник, пришелец

 Глава 15