Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Ташта Соткс»Содержаниесловарь1-я книга Моисеева. Бытие2-я книга Моисеева. ИсходПритчиИона

Книги Нового Завета Выбрать книгупро «Од Соткс»СодержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

МОИСЕЕНЬ ВАСЕНЦЕ КНИГАЦ

УШЕДОМАСЬ

Глава 20

Авраам и Сарра Герарсот

1Авраам тусь ся модаста Ханаанть лямбе ширезонза и лоткась эряма Кадесть и Сурть ёткса, а меле мзярошка пинге эрясь Герарса.2Тостонь эряйхненди Авраам корхнесь Саррань колга: «Тя монь сазорозе». И Авимелех, Гераронь оцязорсь, кучсь ломатть и сявозе Саррань эстейнза.3Но Азорсь эвондась Авимелехонь онозонза и мярьгсь тейнза: «Тон кулат авать инкса, конань сявить эстейть. Сонь ули мирдец».4Но Авимелех нинге ашезе токсе Саррань, и сяс мярьгсь: «Азорозе! Дяряй Тон шавсак мезьсовок аф мувору ломаньтналть?5Вдь тя ломанць сонць мярьгсь тейне: "Сон монь сазорозе". И аваське мярьгсь: "Тя монь брадозе". Мон тянь тиине ару ваймоса и кядне аф муворуфт тя тевса».6Шкайсь мярьгсь тейнза онцтонза: «Мон содаса: тонь ваймоце тя тевса ару, сяс Мон ванфтыхтень тонь инголен пежес сувамада, и ашень макса тейть токамс авать.7Тяни мрдафтк рьвять мирденцты, сяс мес ся алясь пророк. Сон озонды инксот, и тон илядат шиса. А кда аф мрдафтсак авать, содак, эста кулат тонць и сембе тонь ломаттневок».

8Авимелех стясь валда сенемнять мархта, тердезень сембе покодиензон, азондозень тейст сембе ня валхнень, и синь пяк эводсть.9Эста Авимелех тердезе Авраамонь и мярьгсь тейнза: «Мезе тон тиеть минь мархтонк? Кодама кальдяв мон тиень тейть? Мезенкса тон сувафтокшнемайть монь и сембе оцязорксшизень тяшкава оцю пежес? Тон тиеть мархтон стане, кода аф тиендихть!»10Авимелех кизефтезе Авраамонь: «Мезе мяльцель сатомс тянь тиемста?»11Авраам мярьгсь: «Мон арьсень: тя вастса аф пелихть Шкайда и шавсамазь рьвязень инкса.12И сон афкукс тейне сазор, тя алязень стирец, аньцек аф тядязень эзда; и мон сявине сонь эстейне рьвакс.13Мзярда Шкайсь мярьгсь тейне кадомс алязень кудонц и тумс ся модаста, эста мон мярьгонь Сарранди: "Эняльдян, тик тейне тя пароть, кодама вастс афолеме са, лемнемак монь тоса эстейть брадкс"».

14Эста Авимелех сявсь учат, сяват, тракст, аляурет и аваурет, и максозень синь Авраамонди, и мрдафтозе Сарра рьванцка.15Авимелех мярьгсь: «Сембе монь модазе тонь сельминголет, эряк коса мяльце».16А Сарранди мярьгсь: «Мон максонь тонь брадцти тёжянь сиянь ярмак. Тя ярмаксь няфтьсы мала ломаттненди тонь аф муворшицень, и тяфта сембе кармайхть содама тонь арушицень колга».17Эста Авраам озондсь Шкайти, и Шкайсь пчкафтозе Авимелехонь, сонь рьванц, аваурензон, и сят кармасть шачфнема.18А тяда инголе сембе аватнень, конат эрясть Авимелехонь кудса, Азорсь тиендезень аф шачфтыкс. Тянь Сон тиендезе Саррань, Авраамонь рьванц, инкса.

 Глава 20